Bul týraly Úkimet otyrysynda QR Aqparat jáne qoǵamdyq damý mınıstri Asqar Omarov aıtty, dep habarlaıdy Almaty-akshamy.kz QazAqparatqa silteme jasap.
«2022 jylǵa barlyǵy 227 kezdesý ótkizý josparlanǵan, onyń 55-i – birinshi, 172-si ekinshi jartyjyldyqta ótedi. Jyl basynan maýsym aıyna deıin 45 kezdesý ótkizilgen. Mınıstrler negizinen Aqtóbe, Qaraǵandy jáne Pavlodar oblystaryna barǵan. Sonymen qatar Almaty, Qostanaı, Mańǵystaý jáne Soltústik Qazaqstan oblystarynda kezdesýler az bolǵan. Kezdesýlerdi ótkizýdiń merzim tártibin saqtamaý faktileriniń bolǵanyn atap ótý kerek», - dedi A. Omarov.
Sonymen qatar, mınıstr taǵy bir mańyzdy másele osy kezdesýler týraly aqparat taratýǵa qatysty bolyp turǵanyn aıtty.
«Aqparattyq monıtorıń kezdesýlerdiń respýblıkalyq jáne óńirlik telearnalar men baspasózde, áleýmettik jelilerde keń jarıalanǵanyn kórsetti. Memlekettik organdar ótkeli otyrǵan kezdesýler týraly anonstardy resmı ınternet-resýrstar men áleýmettik jelilerdegi akkaýnttarda jarıalady», - dedi vedomstvo basshysy.
Onyń aıtýynsha, Aqparat mınıstrliginde barlyq qajetti resýrs bar jáne árbir kezdesýdi jarıalaýǵa daıyn.
«Taǵy bir mańyzdy másele – Jarlyq talaptaryn saqtaý. Halyqtan suraqtardy aldyn ala jınaý, onlaın translásıa, BAQ-qa arnalǵan brıfıń ótkizý, azamattardy jeke qabyldaý, komersıalyq emes uıymdarmen kezdesý, problemalyq máseleler boıynsha is-áreket josparyn daıyndaý. Taldaý kórsetkendeı, memlekettik organdar jalpy Jarlyq talaptaryn oryndaǵan. Alaıda memlekettik organdar kezdesýlerdiń áleýmettik jelilerdegi onlaın-translásıalaryn jáne jýrnalıserge arnalǵan brıfıńilerdi árdaıym ótkizbeıdi. Keıbir kezdesýlerdiń qorytyndylary boıynsha Problemalyq máseleler tizbesi bar is-áreket josparlary jasalmaǵan nemese ashyq túrde ornalastyrylmaǵan», - dedi mınıstr.
Budan buryn habarlanǵandaı, Úkimet basshysy keıbir óńirlerde basshylar halyqpen kezdesýdiń jańa formatyna beıimdelmeı, eski súrleýden shyǵa almaı otyrǵanyn synady. Úkimet otyrysynda bıyldan bastap ortalyq jáne jergilikti atqarýshy organ basshylarynyń óńirlerge baryp, halyqpen júzbe-júz kezdesý ótkizýdiń jańa tártibi júzege asyrylyp jatqany aıtyldy.