Almaty 2024 jyldyń birinshi jartyjyldyǵynda sybaılas jemqorlyqtyń aldyn alý jáne oǵan qarsy is qımyl reıtıńinde birinshi oryndy ıelendi
Almaty qalasynyń ákimi Erbolat Dosaevtyń tóraǵalyǵymen ótken Sybaılas jemqorlyqqa qarsy is-qımyl máseleleri jónindegi Almaty qalalyq komısıasynyń keńeıtilgen otyrysynda Qazaqstan Respýblıkasy Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń basshysy Arman Rahımovtyń qatysýymen «Sybaılas jemqorlyqtyń aldyn alý jáne oǵan qarsy is-qımyl» úlgilik bazalyq baǵytyn (ÚBB) iske asyrý, áleýmettik mańyzy bar azyq-túlik taýarlaryna baǵany turaqtandyrý jáne bilim berý salasyndaǵy jobalardy iske asyrý barysy máseleleri qaraldy.
Keńes barysynda aǵymdaǵy jyly sybaılas jemqorlyq táýekelderin ishki taldaý kezinde sybaılas jemqorlyqqa ushyraǵan laýazymdardyń tizilimderi ázirlengeni, sondaı-aq táýekelder kartogramsy ózektendirilgeni aıtyldy
Ákimdik Sybaılas jemqorlyqqa qarsy qyzmetpen birlesip qabyldaǵan sharalardyń arqasynda birinshi jartyjyldyqtyń qorytyndysy boıynsha Almaty «Sybaılas jemqorlyqtyń aldyn alý jáne oǵan qarsy is-qımyl» ÚBB is-sharalaryn iske asyrý reıtıńinde elimiz boıynsha birinshi oryndy ıelendi.
Áleýmettik mańyzy bar azyq-túlik taýarlarynyń baǵasyn turaqtandyrý jónindegi sharalar aıasynda kásipkerlerge jeńildetilgen aınalym zaemdaryn berý, sondaı-aq aýylsharýashylyǵy taýaryn óndirýshilerden forvardtyq satyp alý jalǵasýda. Sonymen qatar, belgilengen 15 paıyzdyq saýda ústemesiniń saqtalýyna baqylaý júrgizilýde, ony saqtamaǵany úshin saýda núkteleriniń ıelerine 396 ákimshilik hattama jasaldy, 73 tıimsiz deldal ónimdi jetkizý tizbeginen shyǵaryldy.
Bilim berý salasyndaǵy sybaılas jemqorlyqtyń aldyn alýǵa erekshe kóńil bólinedi. Sonymen, «Baqylaıtyn býhgalterıa» aqparattyq júıesi muǵalimderdiń eńbekaqysyn baqylaýǵa jáne býhgalterlik qatelikterdi boldyrmaýǵa múmkindik beredi. Sondaı-aq, oqýshylardy tegin tamaqpen qamtamasyz etýdiń ashyqtyǵyna baǵyttalǵan «Sıfrlyq vaýcherler» jobasyn kezeń-kezeńimen engizý máseleleri qaraldy. Budan basqa, «Jaıly mektep» ulttyq jobasynyń iske asyrylý barysy erekshe baqylaýda. Ár nysan boıynsha ákim qurylys jumystarynyń sapasyn baqylaýdy tapsyrdy.
Keńesti qorytyndylaı kele, megapolıs ákimi Erbolat Dosaev sybaılas jemqorlyq táýekelderiniń aldyn alý boıynsha jumysty jalǵastyrýǵa nusqaý berdi.