"MEIİRİM" medali dıametri 45 mm sheńber nysanynda jezden jasalady.
Oqý-aǵartý mınıstrligi "Qazaqstan Respýblıkasy Úkimetiniń qurylymyna kiretin keıbir memlekettik organdardyń vedimistik nagradalary týraly" Qazaqstan Respýblıkasy úkimetiniń qaýlysyna ózgerister ázirledi, dep habarlaıdy Almaty-akshamy.kz
Qaýlynyń "Vedimistik nagradalarmen marapattaý negizdemeleri» degen bóliminde "MEIİRİM – ÁLEMGE MAHABBATPEN" medali" degen sóz "MEIİRİM" medali bolyp ózgertildi.
"MEIİRİM" medalimen balalardy adamgershilik-rýhanı tárbıeleý júıesin damytýǵa, jas urpaqtyń boıynda ulttyq qundylyqtardy qalyptastyrýǵa, balalardyń quqyqtary men zańdy múddelerin qorǵaý salasyn jetildirýge eleýli úles qosqan, sondaı-aq balalardyń ál-aýqatynyń deńgeıin arttyrýǵa, balalar úshin qolaıly jaǵdaılar jasaýǵa, balalar ınfraqurylymyn damytýǵa yqpal etetin bilim berý salasynyń qyzmetkerleri jáne ózge de adamdar marapattalady.
"MEIİRİM" medali dıametri 45 mm sheńber nysanynda jezden jasalady. Medaldiń fony kúńgirttelgen. Bet jaǵynda sheńberdiń jıekterinde aq fonda altyn tústes "MEIİRİM" degen jazý ornalasqan. Jazýlar núktelermen bólingen.
Sheńberdiń ortasynda – altyn sary tústi shuǵylaly kún dıskisi. Kún dıskisinde tumsyǵynda butaq bar túrkepter beınelengen.
Syrtqy jaǵynda "JAS URPAQTYŃ ADAMGERSHİLİK JÁNE RÝHANI TÁRBIESİNE QOSQAN ÚLESİ ÚSHİN" degen jazý ornalasqan.
Medaldaǵy barlyq beıneler men jazýlar shyǵyńqy. Medal qulaqsha men shyǵyrshyq arqyly Qazaqstan Respýblıkasynyń Memlekettik Týy tústes jibek qatqyl lentamen tystalǵan eni 28 mm jáne bıiktigi 25 mm tikburyshty taǵanǵa jalǵanady. Qalyptyń tómengi jaǵynda eni 28,5 mm jáne bıiktigi 7,4 mm beti jyltyr japsyrma bar.
Qujat 16 mamyrǵa deıin talqylaý úshin Ashyq NQA saıtynda jarıalandy.