IKAO standarttary men usynylatyn praktıka
Almatyda IKAO Avıasıalyq qaýipsizdik jónindegi oqý ortalyǵynyń bazasynda Avıasıalyq qaýipsizdik jónindegi úılestirý tobynyń birinshi otyrysy ótip jatyr, dep habarlaıdy Almaty-akshamy.kz.
Avıasıalyq qaýipsizdik jónindegi úılestirý toby – qatysýshy memleketterge IKAO-nyń avıasıalyq qaýipsizdik jónindegi jahandyq josparynyń negizgi basymdyqtaryna qol jetkizýge jáne IKAO standarttary men usynylatyn praktıkasyn sapaly engizýge, ózara aqparat almasý jáne bir-birine qoldaý kórsetý arqyly avıasıalyq qaýipsizdiktiń joǵary deńgeıine qol jetkizýge qoldaý kórsetýdiń tıimdi tetigi máseleleri jónindegi keńesshi organ.
27-28 sáýirdegi otyrysqa Ázerbaıjan, Grýzıa, Qyrǵyzstan, Qazaqstan, Ózbekstan jáne Tájikstannyń avıasıalyq bılik ókilderi qatysyp jatyr. Onda úılestirý tobyna múshe memleketterdiń ortaq artyqshylyqtaryna qol jetkizýge baǵyttalǵan áleýetti arttyrý, biryńǵaı saıasatty (jospardy) ázirleý, onyń ishinde Ortalyq Azıa óńiri men Kavkazda IKAO standarttary men usynylatyn praktıkasyn tıimdi jáne ýaqtyly engizý, avıasıalyq qaýipsizdik jónindegi úılestirý tobynyń tóraǵasyn, teń tóraǵasyn jáne hatshysyn saılaý máseleleri qaraldy. Sondaı-aq, avıasıalyq qaýipsizdik jónindegi úılestirý tobynyń erejesi bekitiledi.
Bul is-shara – Ortalyq Azıa óńiri men Kavkaz elderiniń Qazaqstannyń bastamasymen jańa qaýip-qaterlerge baǵyttalǵan ekinshi kezdesýi. Avıasıalyq qaýipsizdik boıynsha júrgizilip jatqan jumystar AQSH-qa tikeleı reısterdiń ashylýyna da yqpal etedi.
Úılestirý toby IKAO avıasıalyq qaýipsizdigin qamtamasyz etýdiń jahandyq jospary aıasynda azamattyq avıasıany zańsyz aralasý aktilerinen qorǵaý júıesin jaqsartý baǵytynda qatysýshy elderdiń avıasıalyq ákimshilikteri arasyndaǵy jaqsy qarym-qatynas pen yntymaqtastyqty damytýǵa yqpal etetin taǵy bir qadam bolady.
Aıta ketsek, avıasıalyq qaýipsizdik jónindegi úılestirý tobynyń tóraǵasy bolyp QR IIDM Azamattyq avıasıa komıtetiniń tóraǵasy Talǵat Lastaev saılandy.