Urlyq jasady degen kúdikpen 24 jastaǵy jigit ustaldy.
Jas jigit oıyn prıstavkasyn ıelengisi kelgen sıaqty. Ol tehnıka satatyn dúkenderdiń birinde Nintendo Swish OLED White oıyn prıstavkasyna kóz tikken, dep habarlaıdy Akshamy.kz Polisia.kz-ke silteme jasap.
«Bizdiń bólimsheniń krımınaldyq polısıa bóliminiń qyzmetkerleri jedel-izdestirý is-sharalaryn júrgizý barysynda 24 jastaǵy O.esimdi azamatty ustady. Qolaıly sátti paıdalanǵan kúdikti dúkenge kirip, oıyn prıstavkasyn urlap ketken. Ustalǵan azamat urlyqqa qatysy baryn joqqa shyǵarmaıdy. Atalǵan derek QR QK-niń 188-baby 3-bóligi boıynsha sotqa deıingi tergeýdiń biryńǵaı tizilimine engizilgen. Qajetti tergeý amaldary júrgizilip jatyr», – dedi Áýezov aýdandyq polısıa basqarmasynyń bastyǵy Ulan Ábilqaıyr.
QR QPK-niń 201-babyna sáıkes, ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep sanalady.