13 muǵalim tek qaǵaz júzindegi jalaqyny alyp otyrǵan.
Oblystyq Antıkor departamenti Almaty oblysynyń bilim berý salasynda «joq jandarǵa» 609 mıllıon teńgeden astam qarjy aýdarylǵany týraly málimdedi, dep habarlady Almaty-akshamy.kz.
Osy faktiler boıynsha alty esepshige qatysty qylmystyq is qozǵaldy. Olardyń biri buǵan deıin sottalyp, alty jylǵa bas bostandyǵynan aıyrylǵan. 81 mln teńge zalal tolyǵymen óteldi, dep túsindirdi vedomstvo.
Sondaı-aq esepshiler muǵalimdermen sóz baılasyp, jalaqyny kóbeıtken tórt fakti anyqtaldy. Mundaı buzýshylyqtardyń jalpy somasy 81 mıllıon teńge boldy.
«Bir fakti boıynsha esepshi men tórt muǵalim 3 jyldan 6 jylǵa deıin bas bostandyǵynan aıyrylyp, qylmystyq jaýapkershilikke tartylyp, keltirilgen 62 mıllıon teńge zalal tolyǵymen óteldi» dep jazdy Antıkor.
Mamandardyń aıtýynsha, mektep qyzmetkerleriniń aqshasyn osylaısha urlaý múmkindigi qazynashylyq derekter bazasymen Parus-Kaz jáne 1S júıelerinde sáıkestiktiń joqtyǵynan bolǵan.