Iakýtıa sırki alǵash ret elimizge gastróldik saparmen keldi

Qazaq memlekettik sırkinde Saha Respýblıkasynyń sırk ártisteriniń etno-shoýyn tanystyrýǵa arnalǵan baspasóz konferensıasy ótti.

Qala kúnine oraı uıymdastyrylǵan is-sharaǵa Almaty qalasy Mádenıet basqarmasy basshysynyń orynbasary Naılá Mýlúkova, Saha Respýblıkasynyń Mádenıet jáne rýhanı damý mınıstri (Iakýtıa) Iýrıı Kýprıanov, Marfa jáne Sergeı Rastorgýev atyndaǵy Iakýtıa memlekettik sırkiniń dırektory Sergeı Rastorgýev, gastróldik toptyń jetekshisi Aleksandr Poselskıı, gastróldik trýppanyń jetekshisi jáne sırk ártisi Roman Romanov qatysyp, jýrnalıserdiń suraǵyna jaýap berdi.

Odan soń saha halqynyń shyǵý tegi tý­raly baıandalatyn «Mamont jeri» atty sırk shoýyn usyndy. Bul – saha halqynyń kóne zamannan bergi tarıhy, mamonttar­dyń jer betinde mekendegen kezi, keremet tabıǵaty men janýarlar álemi týraly qo­ıylym. Balalar úıiniń tárbıelenýshileri, áleýmettik osal otbasylardyń balalary birinshi bolyp tamashalady.

Bul etno-shoý úshin arnaıy 200 eksklú­zıvti avtorlyq kostúm, sándi barerler men dekorasıa jasalǵan. Túrli janrdaǵy 60-tan astam sırk ártisi, sondaı-aq jaryq effektileri men dınamıkalyq mýzyka qol­danyldy. Saha Respýblıkasynyń Máde­nıet jáne rýhanı damý mınıstri Iýrıı Kýprıanovtyń aıtýynsha, sırktiń eń bas­ty maqsaty – saha halqynyń mádenı qun­dylyqtaryn, dástúrin nasıhattaý, Qazaqs­t an men Iakýtıa arasynda mádenı qarym-qatynasty nyǵaıtý. Sondaı-aq, mınıstr eki el arasyndaǵy rýhanı qundy­lyqtardy damytý maqsatynda sırkter men kınostýdıalar arasynda kelisim-shart ja­salatynyn aıtty.

Gastróldik baǵdarlamada Iakýtıadan kelgen ártister kórermendi saha halqynyń mádenıetimen, tarıhymen jáne ertegileri­men tanystyrdy. Uıymdastyrýshylardyń aıtýynsha, bul shoýda halyqaralyq deń­geıdegi kásibı ártister toby jumys istedi. Marfa jáne Sergeı Rastorgýev atyndaǵy Iakýtıa memlekettik sırkiniń dırektory Sergeı Rastorgýev sırk bıyl gastróldik saparmen Astana, Shymkent qalalarynda da óner kórsetetinin, al 2024 jyldyń ma­myrynda Qaraǵandy qalasynda bolaty­nyn aıtyp ótti.

Qoıylymnyń alǵashqy mınýttarynda kórermen mamont jetektegen baqsynyń gaýhar tastarynyń dybystary arqyly mamonttar mekendegen ejelgi temir dáýiri­ne enedi. Gımnasttar, akrobattar, ekvılıbrıser men jonglerler erekshe shoý usyndy.

Ónerpazdardyń sahnalyq kıimderi men rekvızıtterdiń shynaıylyǵy sondaı, sahalyqtardyń ulttyq erekshelikterin birden ańǵarýǵa bolady.

«Saha Respýblıkasynyń memlekettik sırkiniń gastróldik sapary Qala kúnimen tuspa-tus kelgenine qýanyshtymyz. Sırk ónerpazdarynyń birazymen burynnan ta­nyspyz. Ózderińiz biletindeı, jaqynda Almatyda Halyqaralyq sırk óneri festı­vali ótip, sahalyq ártister birinshi oryn alǵan edi. Sondyqtan bul etno-shoýdyń almatylyqtar men qala qonaqtaryna unaıtyny sózsiz», –dedi Almaty qalasy Mádenıet basqarmasy basshysynyń oryn­basary Naılá Mýlúkova.

Saha Respýblıkasynyń Mádenıet jáne rýhanı damý mınıstri Iýrıı Kýprıa­nov bastaǵan delegasıa Almatydaǵa gastróldik sapardyń bastalýyna erekshe mán bergen. Ol sırk Almatyda bir aı boıy jumys isteıtinin atap ótti. Sonymen qa­tar, «Sary-Arqa» kınoteatrynda ıakýt kınosynyń kúnderi bastalady. 20 qyrkú­ıekke deıin kún saıyn saǵat 19.00-den bastap ıakýt kınosynyń úzdik toptamala­rynyń tegin kórsetilimderi ótedi.