El Prezıdenti Kasym-Jomart Kemeluly Toqaevtyń suhbatynda elimizdiń strategıalyq damýyndaǵy bilimniń mańyzy erekshe aıtyldy. Iaǵnı bilim berý ekonomıkamyzdyń, ǵylymı zertteýler men áleýmettik sala damýynyń irgetasy ekenin atap ótti. Sondyqtan bilim berý salasynyń damýyna baǵyttalǵan usynystar óte oryndy aıtyldy. Osy oraıda, bizdiń Nur-Múbárak ýnıversıteti dinı mamandar daıarlaıtyn elimizdegi jalǵyz ıslamı oqý ordasy ekenin eskersek, biz joǵary bilim berý júıesin jetildirýdiń mańyzdylyǵyn túsinemiz jáne osy baǵyttaǵy jańa múmkindikterdi paıdalanýǵa ashyqpyz. Infraqurylymdy damytý jáne stýdentter men oqytýshylarǵa qoldaý kórsetý arqyly biz bilim berý sapasyn arttyrýǵa erekshe mán berýdemiz.
Prezıdentimiz álemdik eńbek naryǵynda básekege qabiletti bilikti mamandardy daıarlaýdyń mańyzdylyǵyn erekshe atap ótti. Tehnıkalyq jáne kásiptik bilim berýdi damytýǵa, sondaı-aq jas ǵalymdar men ınovasıalyq jobalardy qoldaýǵa nazar aýdardy. Bul bizge de qatysty. Biz Prezıdent Kasym-Jomart Toqaevtyń bilim berý salasyn damytýǵa baǵyttalǵan usynystaryna qoldaý bildirýmen qatar, ári qaraı osy saladaǵy ózekti máselelerge nazar aýdarǵym keledi. Bizdiń ýnıversıtettiń de maqsaty – bilim berýdiń jańa standarttaryn qalyptastyrý arqyly álemdik deńgeıdegi bilim berý júıesinde úlesti bolý. Biz jańa tehnologıalardy belsendi túrde paıdalaný arqyly oqytý prosesin jańǵyrtýdy qalaımyz. Sonymen qatar, stýdentterdiń jáne oqytýshylardyń zertteý jáne áleýmettik jobalarǵa qatysý múmkindikterin keńeıtýge basa nazar aýdaramyz.
Bizdiń ýnıversıtet qazirgi zamanǵy qoǵamnyń qajettilikterine saı bilim berýdiń jańa modelderin qalyptastyrýǵa mán berýde. Biz bolashaq mamandardyń jahandyq kezeńde básekege qabiletti bolýyn qamtamasyz etý úshin bilim berý baǵdarlamalaryn únemi jetildirýgen mán beremiz. Sondaı-aq stýdentterdiń jan-jaqtylyǵy men shyǵarmashylyq jáne jeke qabiletterin damytýǵa baǵyttalǵan ártúrli baǵdarlamalardy qoldaýǵa umtylamyz.
Osy oraıda, Prezıdenttiń bilim berý salasyndaǵy bastamalary bizdiń ýnıversıtettiń strategıalyq maqsattarymen tyǵyz baılanysty ekenin atap ótkim keledi. Biz árbir stýdenttiń bilim alýǵa degen quqyǵyn qurmetteı otyryp, sapaly jáne qoljetimdi bilim berýdi usynýǵa baǵyttalǵan jumysty jalǵastyramyz.