· Jadyńyzda júrsin!
El arasynda «Bı qımyldary arqyly kóńil kúıdi de, densaýlyqty da jaqsartýǵa bolady» degen túsinik bar. Mamandardyń pikiri de osyǵan saıady.
Bımen aınalysý arqa, ish jáne aıaq bulshyq etterin nyǵaıtady ári búkil aǵzadaǵy jáne býyndar men omyrtqadaǵy qan aınalymyn, sondaı-aq, zat almasý prosesin jaqsartady.
Sonymen qatar, qımyl-qozǵalystyń úılesimdiligin arttyryp, dene bitimin jetildirýge, tynys alý júıesin jattyqtyrýǵa kómektesedi.
Sondyqtan da bımen shuǵyldanýdy aryqtaýdyń joly ǵana emes, túrli jaraqattar (6 aıdan soń) men synyqtardan (10-12 aıdan soń) keıin organızmdi qalpyna keltirý maqsatyndaǵy emdik shara retinde qarastyrýǵa bolady.
Bul oraıda, bı qımyldary júgirý, jaıaý júrý sıaqty basqa da jattyǵý túrleri tárizdi, júrek-qan tamyrlary júıesine artyq salmaq salmaı-aq, býyndardaǵy qozǵalys kóleminiń artýyna yqpal etedi.
Sondaı-aq, bımen shuǵyldaný adamnyń boıyn jeńildetip, júıkesin tynyshtandyrady. Sol sebepti de, ol gıpertonıalyq aýrýlardyń bastapqy satysynda jaqsy kómektesedi. Óıtkeni mamandardyń boljamynsha, gıpertonıanyń paıda bolýyna kúızelisti jaǵdaılar sebepker bolady.