Azıa oıyndary - 2023
Osynyń aldynda jazǵanymdaı, qazaq boksshysy Sáken Bıbosynov pen ózbek boksshysy Hasonbaı Dýsmatov arasyndaǵy basty báseke jaqyn. Basty bolatyny, osy jekpe-jekten qaısysy aman ótip, jeńiske jetse soǵan Parıj Olımpıadasyna beriletin joldamaǵa ıe bolý múmkindigi molaıa túsedi. Bástiń baǵasy da osynda.
Olardyń bul jolǵy kezdesýiniń ereksheligi, endi ekeýi Qazaqstanda nemese Tashkente emes, otandarynan tys Hanchjoýda judyryqtasyp, ádis-aılasy men ter tógip júrip jınaǵan kúshin synap kórýge múmkindik alyp otyr.
Sáken alǵashqy qarsylasy, Azıanyń qola júldegeri Orhont Onoboldty 5-0 esebimen jeńdi. Bul onyń babynda ekenin baıqatady.
Hasonbaı da Ońtústik Koreıalyq Cho Sen Iýnmen bolǵan alǵashqy jekpe-jegin jeńispen bitirdi. Demek, ol da myqty.
Sáken álem chempıony, Olımpıadanyń qola júldegeri bolsa, Hasonbaı Olımpıada chempıony, álem chempıony, Azıanyń úsh dúrkin chempıony.
Aǵaıyndy eki eldiń eki uly Azıa oıyndaryna qandaı daıyndyqpen keldi? Qandaı ádis-aıla qosty?
Árıne, bul ázirge jumbaq.