«2 mln teńgeni ıemdenip alǵan»: Almatyda turǵyndy tonaǵan kúdikti qolǵa tústi
19 Almaty polıseıleri turǵynǵa shabýyl jasap, bank shotynan 2 mıllıon teńge sheship alǵan kúdiktini qolǵa túsirdi, – dep habarlaıdy Polisia.kz. Jeńil jolmen aqsha tabýdy unatatyn azamatty qalanyń Jetisý aýdanynyń polıseıleri ustady.
«QR QK-niń 191-baby 3-bóliginde kózdelgen – tonaý, ıaǵnı ómiri men densaýlyǵyna qaýipti emes kúsh qoldana otyryp, bótenniń múlkin ashyq urlaý qylmysyn jasaǵany úshin Almaty oblysynyń turǵyny, D.esimdi azamat ustaldy. Tún ortasynda Aınabulaq yqshamaýdanynda jas jigit ótip bara jatqan adamdy kezdestirgeni belgili boldy. Jas jigittiń basynda birden qylmystyq jospar paıda boldy: ol ótip bara jatqan adamnyń basynan uryp, telefonyn tartyp aldy. Odan ári bankterdiń biriniń qosymshasynan qomaqty somany kórip, oılanbastan esepshottan 2 mıllıon teńgege jýyq aqshany sheship alǵan. Kúdikti jedel túrde ustaldy. Ol urlyq jasaǵanyn moıyndady. Qazir kúdiktiniń jeke basy buryn jasalǵan qylmystarǵa qatysy bar-joǵyna tekserilip jatyr», – dedi Jetisý aýdandyq polısıa basqarmasynyń bastyǵy Jánibek Shynasylov.
Sonymen qatar polısıada QR QK-niń 201-babyna sáıkes ózge aqparat tergeý múddesine oraı jarıa etilmeıtinin eske saldy. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.