«Qazaqstandyqtarǵa LGBT nasıhattaıtyn oqý baǵdarlamasy ázirlenip jatyr»
Áleýmettik jelilerde qazaqstandyq mektepterde bolashaqta «LGBT damytý» jáne erte jynystyq aǵartý boıynsha sabaqtar ótkiziletini týraly aqparat taratylyp jatyr. Bul qaýesetti Bilim jáne ǵylym mınıstrligi joqqa shyǵardy.
Vedomstvonyń habarlaýynsha, mundaı jańashyldyqtardy mektep baǵdarlamasyna engizý máselesi qarastyrylyp jatqan joq.
Áleýmettik jelilerde Qazaqstanda oqýshylarǵa arnalǵan «LGBT damytý» jáne erte jynystyq aǵartý boıynsha baǵdarlama ázirlenip jatqany týraly jalǵan aqparat taratylýda. Mundaı aqparat shyndyqqa janaspaıdy. Bul - taǵy bir feık. Mundaı taqyryptardy nasıhattaý boıynsha qandaı da bir oqý baǵdarlamalary men pánder joq jáne bolmaıdy da. Balalardy patrıotızmge, eńbeksúıgishtikke, otbasylyq qundylyqtarǵa úıretetin qazaqstandyq muǵalimder mundaı bastamalar kótergen joq, – dep habarlady QR BǴM baspasóz qyzmeti.
Sondaı-aq vedomstvo ókilderi jalǵan aqparat taratqany úshin jaýapkershilik júkteletinin eske salyp, BǴM resmı paraqshalarynda jáne mınıstrlik saıtynda jarıalanatyn resmı málimetterge ǵana senýge shaqyrdy.