13,3 trln teńgeniń 444 ımport almastyrý jobasy ınvestısıalyq jobalar pýlyna engizildi
Memleket basshysynyń tapsyrmalaryn jáne Qazaqstan Respýblıkasyndaǵy áleýmettik-ekonomıkalyq jaǵdaıdy turaqtandyrý jónindegi jedel is-qımyl josparyn oryndaý jónindegi kezekti keńeste ımport almastyrýdy damytýdyń ózekti máseleleri qaraldy, dep habarlaıdy Almaty-akshamy.kz
2022 jylǵy 19 naýryzda Nur-Sultan qalasynda Premer-Mınıstr Álıhan Smaıylovtyń tóraǵalyǵymen Memleket basshysynyń tapsyrmalaryn jáne QR-daǵy áleýmettik-ekonomıkalyq jaǵdaıdy turaqtandyrý jónindegi jedel is-qımyl josparyn oryndaý jónindegi kezekti keńes ótti.
Statısıkaǵa sáıkes, ótken jylǵy qorytyndy derekter boıynsha, Qazaqstan Respýblıkasyna $38,3 mlrd somasyna óńdeý ónerkásibiniń ónimderi ımporttalǵan.
Mashına jasaý ($16,4 mlrd), hımıa ónerkásibi ($3,2 mlrd), qara metalýrgıa ($2,4 mlrd), jeńil ónerkásip ($2,2 mlrd), qurylys materıaldaryn ($1,4 mlrd), tústi metalýrgıa ($679 mln) ónimderi kóp kólemde jetkiziledi.
QR Prezıdenti Qasym-Jomart Toqaevtyń tapsyrmasyn oryndaý maqsatynda QR memlekettik organdary otandyq óńdeý ónerkásibine tereń taldaý júrgizdi, sonyń nátıjesinde onyń eleýli áleýeti anyqtalyp, salalar boıynsha básekelestik artyqshylyqtary, sondaı-aq ónerkásipti odan ári damytýdyń áleýetti salalary aıqyndaldy.
Qazirgi ýaqytta júrgizilgen taldaý negizinde ımport almastyrý baǵdarlamasynyń jobasy ázirlendi, onyń negizgi maqsaty – ımportty qysqartý, eksporttyq artyqshylyqtardy jáne otandyq óndiristiń básekege qabilettiligin arttyrý.
Taldaý qorytyndysy boıynsha, oblystardyń, Almaty, Nur-Sultan jáne Shymkent qalalarynyń ákimdikteri óńdeý ónerkásibi salalaryndaǵy ınvestısıalyq jobalar pýlyn jasady. Bul tizimge 88 myń jańa turaqty jumys oryndaryn qurý áleýeti bar jalpy somasy 13,3 trln teńgeni quraıtyn 444 ımport almastyrý jobasy kirdi.
Bıyl Indýstrıalandyrý kartasy sheńberinde el óńirlerinde 10,8 myń jańa turaqty jumys ornyn qura otyryp, jalpy somasy 1,4 trln teńgege 90 jobany iske qosý josparlanǵan. Keńes qorytyndysy boıynsha QR Premer-Mınıstri bir aı ishinde óńirler boıynsha ımport almastyrý baǵdarlamasyn ázirlep, bekitýdi tapsyrdy.
«Álemde qalyptasqan geosaıası jaǵdaıǵa baılanysty bul – asa ózekti másele. Sondyqtan osy baǵyttaǵy jumysty jandandyryp, ımport almastyratyn jobalardy iske asyrý úshin ınvestısıalar tartý qajet», — dedi Álıhan Smaıylov.