2021 jylǵy 24-25 maýsymda Almatyda Abaı atyndaǵy QazUPÝ-dyń bastamasymen «Pedagogıkalyq bilim berýdiń qazirgi zamanǵy trendteri» Halyqaralyq onlaın-forýmy ótti. Forým maqsaty - qoǵamnyń nazaryn pedagogıkalyq bilim berýdiń zamanaýı trendterine aýdarý, Qazaqstandaǵy bilim berý mazmunyn jańartý mindetterine yqpal etetin úzdik halyqaralyq tájirıbelerdi taratý.
Ǵylymı is-sharaǵa bedeldi halyqaralyq jáne otandyq ǵalymdar (Northempton ýnıversıteti (Ulybrıtanıa), Ekonomıka Joǵary Mektebi Ulttyq zertteý ýnıversıteti (Reseı), «MISıS» zertteý tehnıkalyq ýnıversıteti (Reseı), Ulttyq joǵary bilim ǵylymı-zertteý ınstıtýty (Malaızıa), Máskeý qalalyq pedagogıkalyq ýnıversıteti (Reseı), Shyǵys-Qytaı pedagogıkalyq ýnıversıteti (Qytaı), Keıptaýn ýnıversıteti (OAR), Ýnıversıtet-2035 (Reseı), Nazarbaev Ýnıversıteti (Qazaqstan), JSHS «Ulttyq Ustaz onlaın Akademıasy»), Almatydaǵy IýNESKO Klasterlik búrosynyń ókilderi, JOO oqytýshylary, bilim basqarmalarynyń, biliktilikti arttyrý júıesi men bilim berý uıymdarynyń basshylary men mamandary, mektep muǵalimderi, halyqaralyq agenttikterdiń sarapshylary, jas ǵalymdar men stýdentter - barlyǵy 430 adam qatysty.
Forýmnyń ashylýynda Qazaqstan Respýblıkasynyń Bilim jáne ǵylym vıse-mınıstri Qýanysh Erǵalıev bilim berý júıesi ozyq ıdeıalarǵa ashyqtyqty kózdeıtinin, sondyqtan otandyq qana emes, álemdik pedagogıkalyq bilim berýdiń ózekti trendterin talqylaý bolashaq muǵalimderdiń kóshbasshylyǵyn arttyrýǵa yqpal etetinin atap ótti. Ol pedagogıkalyq kadrlardy daıarlaýdyń jańa tendensıalaryn aıqyndaý, syndarly ıdeıalardy talqylaý otandyq bilim men ǵylymdy tıimdi damytý úshin mańyzdy ekenin aıtty.
Abaı atyndaǵy QazUPÝ rektory Darhan Bilálov pen Y. Altynsarın atyndaǵy Ulttyq bilim akademıasynyń prezıdenti Ǵanı Beısembaev alǵy sóz sóıledi.
Forým barysynda Darhan Bilálov seriktestermen, halyqaralyq qaýymdastyqtarmen, búkil álem boıynsha bilim berýdegi ınovasıalardy ilgeriletý boıynsha qorlarmen belsendi jáne perspektıvaly yntymaqtastyqty atap ótti.
«Biz qazirgi bilim berý júıesi ashyq bolýy kerek dep sanaımyz. Ulttyq pedagogıkalyq qoǵamdastyq retinde otandyq bilim berý júıesin ilgeriletýge baǵyttalǵan oqytýdyń jańa tehnologıalary men ádistemelerin usyna otyryp, salanyń damýyna óz úlesimizdi qosamyz. Búgingi kúnniń basty tendensıasy - bul jańa mindetter jáne bilim berý salasyna eńbek naryǵy jaǵynan da, ishki qaıta qurylymdaý qajettiligi jaǵynan da áser etetin sıfrlyq revolúsıa. Bolashaq muǵalimderge jańa sıfrlyq quzyrettilikter, kreatıvti tásilder, bilim berýde sheshim qabyldaý, qarym-qatynas jáne yntymaqtastyq daǵdylary qajet», - dedi Abaı ýnıversıtetiniń rektory. Ol HHİ ǵasyr - jahandaný ǵasyry, jańa tehnologıalar men ınovasıalar ǵasyry jáne bolyp jatqan ózgeristerge jańasha kózqaras ǵasyry ekendigin jáne elimizdiń jańa urpaqtarynyń tálimgerlerin daıarlaýǵa belsendi qatysatyn Abaı atyndaǵy QazUPÝ osy ózgeristerge saı kelýi kerek ekenin atap ótti.
Forým úsh taqyryptyq baǵytta ótti: aralas oqytý perspektıvalary (Blended Learning); muǵalimderdi oqytýdaǵy sıfrlyq tehnologıalar: quraldar, platformalar, tájirıbe jáne engizý perspektıvalary; ómir boıǵy oqytý (Lifelong Learning). Onlaın/oflaın-oqytý; aýdıtorıalyq/elektrondyq oqytý; medıapedagogıka, oqytý prosesi men kontentin sıfrlandyrý; oqytý ekojúıesin sıfrlyq transformasıalaý; smart-dıdaktıka; neıropedagogıka: úzdiksiz bilim berý júıesi; ózdiginen bilim alý; jeke bilim berý traektorıasy sıaqty máseleler talqylandy. Aqparattyq tehnologıalar quraldary, oqytýdyń ınovasıalyq tásilderi men sıfrlyq qyzmetter men dástúrli oqytýdyń úılesimdiligi máseleleri qatysýshylardyń erekshe qyzyǵýshylyǵyn týdyrdy.
Forým qorytyndysy boıynsha rezolúsıa qabyldandy, onda sıfrlyq bilim berý ortasyn qalyptastyrý jáne bilim berý baǵdarlamalaryna sıfrlyq quzyretterdi engizý boıynsha bilim berý uıymdarynyń ákimshiligi men ujymdary jumysynyń tıimdiligin kúsheıtý jónindegi mindetter men sharalar belgilengen. Naqty usynystar berildi: sıfrlyq ekonomıkaǵa kóshý kontekstinde bilim berý uıymdarynyń basshylary men pedagog qyzmetkerleriniń aqparattyq-kommýnıkatıvtik quzyrettilik deńgeıin arttyrý maqsatynda óz jumysynda forým materıaldaryn qoldaný; pedagogtyń pándik, ádistemelik, psıhologıalyq-pedagogıkalyq, kommýnıkatıvtik quzyrettiligin arttyrý, biryńǵaı aqparattyq-bilim berý ortasyn qalyptastyrý boıynsha jumysty jalǵastyrý.
İs-sharaǵa qatysýshylar forýmdaǵy usynymdar pedagogıkalyq bilim berý júıesin odan ári damytýǵa, halyqaralyq ǵylymı-praktıkalyq yntymaqtastyqty nyǵaıtýǵa yqpal etetinine, qazaqstandyq bilimniń sapaly jańa damý deńgeıine shyǵýyn qamtamasyz etýge kómektesetinine senim bildirdi.