Qorshaýǵa ilinip qalǵan qyz balkonnan qulap túsken
Arqalyqta besinshi qabattyń balkonynan qulaǵan qyzdy qutqarǵan polıseıge páter kilti tabystaldy, dep habarlaıdy Almaty-akshamy.kz Polisia.kz-ke silteme jasap.
Patrúldik polısıa qyzmetkeri Almat Ámirhanǵa Arqalyq qalasynyń ákimi Ámirhan Asanov qyzmettik turǵyn úı kiltin tabystady.
Buǵan deıin polısıa qyzmetkeri týystarymen birge turyp kelgen. Eske salaıyq, oqıǵa 7 qańtarda bolǵan. Qorshaýǵa ilinip qalǵan qyz balkonnan qulap túsken. Bul týraly qalalyq JBO-ǵa ótip bara jatqan adamdar tańǵy saǵat 5:30-da habarlaǵan. Oqıǵa ornyna patrúldik polısıa qyzmetkerleri Almat Ámirhan men Rýslan Qapsamatov baryp, jaǵdaıdy baǵalap, qyzdy qutqarý úshin barlyq sharalardy qabyldaǵan.
«Polısıa qyzmetkerleri óńirdegi qoǵamdyq tártipti qamtamasyz etedi jáne kúndelikti jumysta qıyn jaǵdaılarǵa tap bolady. Keıde adam ómiri tártip saqshylarynyń kásibı áreketterine baılanysty bolady. Osyndaı erlik áreketi úshin Almat Ámirhandy qyzmettik turǵyn úımen qamtamasyz etý týraly sheshim qabyldandy», - dep atap ótti Arqalyq qalasynyń ákimi.
Ázirge polısıa qyzmetkeri em qabyldap jatyr. Qutqarý kezinde ol aıaǵyn jaraqattap alǵan edi.