Jábirlenýshiniń kýrer bolyp jumys isteıtini belgili boldy.
Almaty qalasynyń polıseıleri Shymbulaqta saıǵa qulap ketken er adamdy aman alyp qaldy. Ol serýendeýge shyqqan kýrer bolyp jumys isteıtin jigit bolyp shyqty, dep habarlaıdy Almaty-akshamy.kz Zakon.kz-ke silteme jasap.
Keshki saǵat jetiler shamasynda “102” arnasyna bir jigit telefon soǵyp, taýda júrgende saıǵa qulap ketkenin, ózdiginen shyǵa almaı qalǵanyn habarlady. Jas jigit dereý JBO operatoryna óziniń ornalasqan jerin jiberip, uıaly telefonynyń qýaty taýsylǵaly turǵanyn aıtty.
"Dabyldy habarǵa birinshi bolyp bizdiń áriptesimiz – polıseı Ánýar Qashybaev jaýap berdi. Bir mınýttan keıin áriptesim, ýchaskelik aǵa ınspektor – Darhan Sary ekeýmiz der kezinde oqıǵa ornyna jettik. İzdeýdi bastadyq. Qarańǵy bolyp ketken kez, tek dybystarǵa mán berdik. Bir kezde tómennen kómek suraǵan daýysty estidik. Sol jerge jaqyn mańda moped turdy. Er adam abaısyzda saıǵa qulap, shyrshalardyń butaqtarynan ustap qalǵanyn aıtty. Jas jigit úreı ústinde boldy, qatty tońyp qalǵan. Biz onyń qasyna tómenge tústik, jylytý úshin kıimderimizdi ústine japtyq, arnaıy qutqarý quraldarynyń kómegimen qulaǵan adamdy joǵary qaraı kóterip aldyq. Sodan keıin ony ary qaraı tekserý úshin aýrýhanaǵa jetkizdik, – deıdi 83-ÝPP-niń ýchaskelik ınspektory Asqat Rysbekov.
Jábirlenýshiniń kýrer bolyp jumys isteıtini belgili boldy. Sol kúni keshke taý aýasymen tynystaý úshin shatqalǵa shyqqan. Alaıda bul serýen qaıǵyly jaǵdaımen aıaqtala jazdady.