Bul - shetelde júrgen otandastarymyzdyń 42 paıyzy.
QR OSK málimetinshe, sheteldegi saılaý ýchaskelerinde shamamen 5 myń qazaqstandyq daýys berdi, dep habarlaıdy Almaty-akshamy.kz
Bul shetelde júrgen otandastarymyzdyń 42 paıyzyn quraıdy. Jalpy, shetelde júrgen azamattarymyzdyń sany - 12 016.
Búgin saǵat 18:00-degi jaǵdaı boıynsha shetelderdegi 11 saılaý ýchaskesi jumysyn aıaqtady jáne qazir 66 ýchaske jumysyn jalǵastyryp jatyr.
«12 halyqaralyq uıym men 41 shet memleketten akkredıttelgen sheteldik baıqaýshylardyń jalpy sany 793 adamdy qurady. Sonymen qatar saılaýdy baqylaýǵa 246 sheteldik jýrnalıs qatysýda. Astana men Almaty qalalarynda «Halyqaralyq baıqaýshylar men sheteldik BAQ ókilderine járdemdesý ortalyqtary» ashyldy. Atalǵan ortalyqtar barlyq qajetti tehnıkalyq jabdyqtarmen qamtamasyz etilgen jáne búgin tańerteńnen bastap baıqaýshylar brıfıńter men konferensıalar formatynda óz pikirlerin bildirip jatyr», dedi QR Syrtqy ister mınıstriniń orynbasary Roman Vasılenko.
Jalpy, sheteldegi daýys berý 20 naýryz kúni tańerteńgi saǵat 09:00-de San-Fransıskodaǵy saılaý ýchaskesinde aıaqtalady.
62 shet memlekettegi dıplomatıalyq ókildikteri janynda 77 saılaý ýchaskesi ornalasqan.