Almatyda daýys bergen jıý-jıtsýdan eńbek sińirgen sport sheberi Erlan Tileýimbetov el múddesi bárinen bıik turýy tıis dep sanaıdy.
«Saılaýdyń mańyzy joǵary. Sondyqtan daýys berýge keldik. Halyq qamyn oılaıtyn depýtat tańdalady degen senimdemiz. Halyq senim artqan depýtattar adal jumys istep, saılaýaldy baǵdarlamasynda keltirgen máselelerdi sheshse eken. Minekı, sol ýaqytta ǵana is ónedi.
Saılaýshylardyń senimin aqtaý mańyzdy. Depýtat tek qana halyqqa qyzmet jasaýy kerek. Dál qazirgi sátte eldiń múddesi bárinen bıik turýǵa tıis.
Búginde sportshylar da Parlamentke úmitker bolýda. Olar da mandattyqqa ótip, sportty qarjylandyrý, buqaralyq sportty damytý salasyna den qoısa eken. Jarystarǵa shyǵý, bapkerdiń jalaqysy, sport keshenderin salý jaǵyn qolǵa alý qajet. Bul taraptan izgilikti ister barshylyq. Osyny toqtatpaı, sport salasyn damytsa degen tilegimiz bar. Sol maqsatpen osy saılaýǵa atsalysyp, tańdaýymyzdy jasadyq», - deıdi sport sheberi.