Ǵulama músini qola men granıtten jasalǵan, bıiktigi – 9,5 metr.
Elordada Ábý Nasyr ál-Farabı atyndaǵy Oqýshylar saraıynyń aldynda uly ǵulamaǵa eskertkish ornatyldy, dep habarlaıdy Almaty-akshamy.kz
Avtorlyq top quramynda músinshiler A. Búrkitbaev, D. Sarbasov, Q. Begýlıev, A. Toqbaev jáne D. Úsenbaev bar.
Eskertkishtiń ashylýyna Qazaqstan Respýblıkasynyń Memlekettik hatshysy Qyrymbek Kósherbaev arnaıy qatysty.
«Qurmetti zıaly qaýym! Uly oıshyl ǵulama, Arıstotelden keıingi ǵalamdaǵy ekinshi ustaz atanǵan ál-Farabı – bizdiń ǵana emes, tutas adamzattyń baǵyna bitken tulǵa. Ǵylymnyń san salasyn jetik meńgergen fılosof metafızıka, epıstemologıa, estetologıa, etıka, fızıka, astrologıa, psıhologıa men mýzyka salalarynyń teorıalyq negizin qalaǵan ensıklopedıashy ǵalym. Onyń jazǵan eńbekteri H ǵasyrdan búginge deıin mańyzdylyǵyn joıǵan joq. Ál-Farabı - ortaǵasyrlyq aǵartý kezeńindegi shyǵys pen batystaǵy aqyl-oı alyptarynyń biri ári eńbekteri búkil álemge taraǵan oıshyl», - dedi Memlekettik hatshy eskertkishtiń saltanatty ashylýynda.