Shymkentte sýdıalyq ádep jónindegi komısıa qala ákiminiń orynbasary Rýslan Berdenovke qastandyq jasaý isi boıynsha prosesti júrgizgen sýdıa Ábınur Qarabaevqa qatysty sheshim qabyldady, dep habarlaıdy Aqshamnews.kz tilshisi Tengrinews.kz-ke silteme jasap.
Shymkent qalalyq sotynyń baspasóz qyzmeti habarlaǵandaı, tekserý materıaldary respýblıkanyń Joǵary sot keńesi janyndaǵy sot alqasyna joldandy.
"Sýdıalyq ádep jónindegi komısıa sýdıa Ábınur Qarabaevqa qatysty tekserý materıaldaryn Qazaqstannyń Joǵary sot keńesi janyndaǵy sot alqasynda máni boıynsha qaraýǵa jiberý týraly sheshim qabyldady. Bul sheshim áli zańdy kúshine engen joq, sýdıa Qarabaev oǵan qarsy shaǵym túsire alady", – delingen habarlamada.