Bul týraly QR Energetıka mınıstri Bolat Aqsholaqov Ortalyq komýnıkasıalar qyzmeti alańynda ótken brıfıńtke aıtty, dep habarlaıdy Almaty-akshamy.kz.
Energetıka mınıstri atap ótkendeı, ótken jyly dızel otynyn shyǵarý boıynsha rekordty kórsetkish – 5,2 mln tonnaǵa jetsek te, qazirgi jaǵdaıda elimizdiń birqatar óńirlerinde dızel tapshylyǵy bar. 350 myń tonna kólemindegi defısıtti (qysqy DT qospaǵanda) qymbat baǵadaǵy ımporttyq otynmen jabýǵa májbúr boldyq.
Osy oraıda, ekonomıkaǵa mańyzdy ónerkásip sektory bolyp sanalatyn taý-ken mettallýrgıa kesheni jáne temir jol salalarynyń tutyný kólemi sol qalpynda qaldy, ıaǵnı ósken joq.
«Qazaqstanda dızel otyny tapshylyǵynyń basty sebebi - baǵadaǵy dısproporsıa. Otandyq otyn baǵasy kórshi eldermen salystyrǵanda aıtarlyqtaı arzan. Qazaqstan – álemdegi janarmaıy arzan on eldiń qatarynda. Mysaly, Reseıde dızel baǵasy ortasha eseppen lıtrine 345 teńge, bizdegi naryq baǵasynan 45%-ǵa qymbat. Qyrǵyzstandaǵy baǵa 64%-ǵa joǵary, ıaǵnı lıtrine 390 teńge, Ózbekstandaǵy baǵa bizben salystyrǵanda eki esege qymbat - lıtrine 480 teńge, baǵamyzdaǵy aıyrmashylyq - 101 paıyz», - dedi mınıstr.
Qazaqstandyq dızel otynyn túrli joldardy paıdalanyp, shetelge satýdan túsetin paıda 50%-dan 120 %-ǵa deıin jetedi eken, jalpy paıda jylyna shamamen 140 mln AQSH dollaryn quraıdy.