Elde benzındi paıdalanýdy azaıtý úderisiniń jalǵasýda
Japonıada kólemi jaǵynan ekinshi turǵan iri munaı óńdeý kompanıasy elde benzınge suranystyń tómendeýinen óziniń negizgi munaı óńdeý zaýytynyń birin jabady, dep habarlaıdy Almaty-akshamy.kz QazAqparat-qa silteme jasap.
The Mainichi Newspapers keltirgen málimetter boıynsha, Idemitsu Kosan Co. kásiporny Honsú aralynyń ońtústik-batysyndaǵy Iamagýtı prefektýrasynda ornalasqan. Ol táýligine 120 myń barelge deıin munaı óńdeýge qaýqarly. Bul kólem korporasıa qýatynyń shamamen 10% sáıkes keledi. Atalǵan munaı óńdeý zaýyty kóterme baǵamen munaı jetkizetin Japonıadaǵy iri kásiporyndar arasynda ekinshi oryn alady. Onda 450-ge jýyq maman jumys isteıdi.
Vedomstvo málimetinshe, kásiporyn 2024 jyldyń naýryz aıyna deıin jabylady. Onyń basty sebebi – elde benzındi paıdalanýdy azaıtý úderisiniń jalǵasýy.
Japonıada benzındi satý 20 jyl qatarynan turaqty túrde tómendep keledi. Bul dekarbondaýdyń jahandyq tendensıasy aıasynda ekologıalyq taza avtomobılderdiń kóbirek engizilýine baılanysty bolyp otyr.
Idemitsu málimdemesinde sondaı-aq, suranystyń odan ári tómendeýi Japonıa halqynyń azaıýyna jáne COVID-19 pandemıasynyń saldarynan bolyp otyrǵany aıtylǵan. Bul zaýytty jabylýyna ákeldi.
Bul rette, Japonıanyń Eneos Holdings eń iri munaı óńdeý kompanıasy da 2023 qarjy jylynda óziniń eń mańyzdy munaı óńdeý zaýyttarynyń birin jabýǵa nıetti.