Naýryzbaı aýdanynda turǵyndardyń usynysy boıynsha «Halyqtyń búdjetke qatysýy» jobasy aıasynda balalardyń oıyn jáne sport alańdary salynady. Olardy ótken jyly Qonaev kóshesin Iassaýı kóshesinen Áshimov kóshesine deıin keńeıtý jumystary aıaqtalǵannan soń bosaǵan ýchaskelerde salatyn bolady dep habarlaıdy almaty-akshamy.kz
Jobada jaryqtandyrý, sporttyq qurylǵylarmen jabdyqtaý, kógaldandyrý qarastyrylǵan. Búginde qurylys jumystaryna kelisimshart jasaldy. Eki jobanyń árqaısysynyń jalpy quny – 51 mln teńge.
Aǵymdaǵy jyly Naýryzbaı aýdany turǵyndarynyń jobalaryna 1,3 mlrd teńge bólindi. Daýys berý qorytyndysy boıynsha iske asyrýǵa jiberilgen jobalardy aýdan ákimdigi 2023 jyly oryndaıtyn bolady.
2021 jyly Naýryzbaı aýdanyna «Halyqtyń búdjetke qatysýy» jobasyn júzege asyrýǵa 1,3 mlrd teńge bólindi. 2022 jyldyń kókteminde Almaty qalasynyń ákimi Erbolat Dosaevtyń usynysy boıynsha soma 500 mln teńgege ulǵaıtyldy. Osylaısha, 2022 jyly «Halyqtyń búdjetke qatysýy» aıasynda aýdanda quny 1,8 mlrd teńge bolatyn 2021 jylǵy 47 jeńimpaz – jobalardy iske asyrý josparlanýda.
Anyqtama: «Halyqtyq búdjetke qatysýy» baǵdarlamasynyń maqsaty – qala turǵyndarynyń bastamalary men usynystary negizinde Almaty aýdandarynyń aýmaqtaryn damytý jáne abattandyrý.
Almatylyqtar 20 shildege deıin budget.open-almaty.kz portaly arqyly ótinish bere alady.Ol úshin ótinimdi toltyrý (jobalyq usynystyń ataýy, onyń sıpattamasy, obektiniń mekenjaıy) qajet, jobalyq usynystyń eskızi men smetasyn mindetti túrde bekitý qajet (boljamdy bolýy múmkin). Bir jobanyń eń joǵary quny 61,2 mln teńgeden aspaýy tıis.
Jobalyq usynystar kelesi krıterıılerge saı bolýy tıis: bir avtor – bir ótinim – bir obekt; nysandy jalpy paıdalanýdaǵy qoljetimdilik sheksiz;nysan ony júzege asyrý josparlanǵan aýdan aýmaǵynda, jalpy paıdalaný ýchaskesinde ornalasýy kerek; ákimdiktiń quzyreti sheginde bolýy kerek jáne t.b.