Almatyda AI-92 markaly benzın 2 teńgege, AI-95 – 4 teńgege qymbattady.
Qazaq Oil, Helios jáne Sinooil janarmaı quıý stansıalarynda benzın baǵasy kóterildi, dep habarlaıdy aqshamnews.kz
Bul janarmaı naryǵyn yryqtandyrý týraly Energetıka mınıstrliginiń málimdemesinen keıingi alǵashy ósim.
16 aqpan keshinen bastap Almaty, Almaty oblysy jáne Astanada janarmaı quıý stansıalary baǵany kótere bastady.
Máselen Helios janarmaı quıý stansıasynda AI-92 benzıni 207 teńgeden satylsa, dızel otynynyń baǵasy 275 teńgeni quraıdy. Sonymen qatar Sinooil janarmaı quıý stansıasynda da baǵa 2 teńgege kóterildi.
Sarapshylar baǵanyń ósýin janarmaı naryǵynyń erkin aınalymǵa shyǵýymen baılanystyryp otyr. Energetıka mınıstri Almasadam Sátqalıev buǵan deıin baǵanyń 5 teńgege kóterilýi múmkin ekenin aıtqan bolatyn. Bul qadam búdjetke túsetin qarajatty arttyryp, naryqty jańa jaǵdaıǵa beıimdeý úshin qajet dep túsindirildi.
Qazaqstannyń janarmaı qaýymdastyǵy KC Energy Group jáne «QazMunaıGaz» kompanıalary 1 aqpannan bastap kóterme baǵany kótergenin málimdedi. QTA esepteýinshe, aqpan aıynyń sońyna deıin AI-92 jáne dızel otyny taǵy 4 teńgege qymbattaýy múmkin.