Tańnan beri halyq saılaýǵa asa belsendilik tanytyp jatyr. Almatylyqtardyń kóńil-kúıi kóterińki. Barlyǵy da óz tańdaýlaryn jasaýǵa asyǵýda, dep habarlaıdy Almaty-akshamy.kz.
Birneshe saılaý ýchaskelerin aralap, saılaý barysymen tanystyq. Daýys beretin oryndar asa yjdahattylyqpen daıyndalǵan. Barlyǵy da talapqa saı. Al tańdaý jasaýǵa kelgen halyqtyń qarasy basym. Barlyǵy da bolashaq úshin óz tańdaýlaryn jasaýda. Barshasy saılaýdyń ádil ótip jatqanyna dán razy.
«Halyq arasynda júrgendikten, bıylǵy saılaýǵa azamattardyń jappaı atsalysqanyn aıtpaý múmkin emes. Eldik shara joǵary deńgeıde ótýde. Eshbir zań nemese tártip buzýshylyq kórgen joqpyn. Saılaý naýqany óte jaqsy uıymdastyrylǵan. Bul – eń birinshi, halyqtyń bolashaqqa degen senimi men úmiti. Saılaýǵa qatysqan barlyq kandıdatqa múmkindik pen erkindik berildi. Sol kandıdattardyń baǵdarlamasy kóńilimnen shyqqandaryna daýys berý maqsatynda óz tańdaýymdy jasaý úshin keldim. Aıtylǵan sóz – atylǵan oq. Endigi saılanatyn azamattardan halyq zor úmit kútedi. Aıtqan ýádelerinde turyp, olar senimge selkeý túsirmeıdi degen senimdemin», - deıdi №123 Qoja Ahmet Iassaýı atyndaǵy mekteptiń muǵalimi Bekbosynova Aıgúl Qasymhanqyzy.