2023 jyly Almatynyń belsendi uzaq ómir súrý ortalyqtarynda qart turǵyndarǵa 645 myńnan astam túrli qyzmet kórsetildi. Bul týraly ÓKQ brıfıńinde Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málimdedi, dep habarlaıdy almaty-akshamy.kz
Megapolıste barlyǵy 10 Belsendi uzaq ómir súrý ortalyǵy jumys isteıdi. Ótken jyly Belsendi uzaq ómir súrý Memlekettik ortalyǵynda tirkelgen 2 245 zeınetker 86,5 myń qyzmet alǵan.
Aýdan ákimdikteri janynan jumys isteıtin 9 belsendi uzaq ómir súrý ortalyǵynda 8 101 zeınetker bos ýaqyttaryn ótkizdi, 559 myńnan astam qyzmet alyndy.
«Ortalyqtardyń qyzmeti egde jastaǵy azamattardyń ómir súrý sapasyn arttyrýǵa, olardyń aqyl-oı, shyǵarmashylyq, qoǵamdyq qyzmetke belsendi tartylýyna jáne urpaqtar sabaqtastyǵyna járdemdesýge baǵyttalǵan. Munda saýyqtyrý qyzmetteri kórsetiledi, túrli baǵyttar boıynsha kýrstarda oqytý, bos ýaqyt ótkiziledi, sondaı-aq qart adamdarmen qarym-qatynas jasaý jáne psıhologıalyq jalǵyzdyq máselelerin sheshý múmkindigi beriledi. Turǵyndardyń kóptegen ótinishterin eskere otyryp, Bostandyq jáne Medeý aýdandarynda «Belsendi uzaq ómir súrý ortalyǵy» KMM janynan eki bólimshe ashý máselesi qarastyrylýda», - dedi B. Jaýbasov.
Spıker az qamtylǵan jáne kóp balaly otbasylarǵa kómek kórsetetin «Baqytty otbasy» ortalyqtarynyń qyzmetine de toqtaldy. Qalada barlyǵy 71,7 myń adamdy qamtıtyn 9 «Baqytty otbasy» ortalyǵy bar. Budan basqa, «Shyńǵa órleý» áleýmettik klýbynyń 15 bólimshesi jumys isteıdi, onda az qamtylǵan otbasylardan shyqqan 1-4 synypta oqıtyn 3 661 bala qosymsha bilim aldy. Osal sanattaǵy 230 pedagog (zeınetkerler, múgedektigi bar adamdar, kóp balaly analar) jobany iske asyrý úshin turaqty negizde jumysqa ornalastyryldy.
«Respýblıkada otbasylyq saıasatty iske asyrýdyń basym baǵyttaryna, ómirlik qıyn jaǵdaıǵa tap bolǵan áleýmettik osal otbasylardyń ártúrli sanattaryn teńgerimdi qoldaý qajettiligine sáıkes, 2024 jyly kóp balaly, tolyq emes, az qamtylǵan otbasylarǵa, sondaı-aq, múgedek balalary bar jáne otbasylyq-turmystyq zorlyq-zombylyqtan zardap shekken otbasylarǵa, onyń ishinde 18 jasqa deıingi balalarǵa keshendi konsýltasıalyq qyzmetter kórsetý jónindegi fýnksıalardy keńeıte otyryp, «Baqytty otbasy» ortalyqtaryn otbasyn qoldaý ortalyqtaryna qaıta formattaýdy josparlap otyrmyz», - dep tolyqtyrdy spıker.
Qorytyndylaı kele, basqarma basshysy Baýyrjan Jaýbasov 70 myń adam qamtylatyn áleýmettik jobalardy iske asyrýdyń jalǵasatynyn habarlady.