2023 jyly Almatyda 1 407 etnıkalyq qazaq «qandas» mártebesine ıe boldy. 151 adam mártebesin taǵy bir jylǵa uzartty. Bul týraly ÓKQ alańynda ótken brıfıń barysynda Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málimdedi, dep habarlaıdy almaty-akshamy.kz
«Basqarma tarıhı otanyna kelgen etnıkalyq qazaqtarmen «qandas» mártebesin berý jáne uzartý boıynsha jumys júrgizýde. Ótken jyly 1 407 etnıkalyq qazaq qandas mártebesin aldy, 151 adam mártebesin taǵy bir jylǵa uzartty», - dedi B.Jaýbasov.
Sondaı-aq, otbasyn biriktirý maqsatynda shetelde turatyn etnıkalyq qazaqtardyń týystaryn Qazaqstanǵa kóshirý úshin 37 etnıkalyq qazaqqa shaqyrý berildi.
Sondaı-aq, spıker kóshi-qon jumysyna qatysty máselelerdi qozǵady. Pana izdep júrgen adamdarǵa jáne Taıaý Shyǵystan Qazaqstan men Palestınanyń 127 evakýasıalanǵan azamatyn týystaryna berý jóninde kýálikter berildi.
«Basqarmanyń qyzmetine sheteldik bilikti qyzmetkerlerge ruqsat berý, uzartý fýnksıalary da kiredi. 2023 jyly joǵary bilikti sheteldik mamandardy tartýǵa 1 242 ruqsat berildi, jergilikti búdjetke 738 mln teńge kóleminde salyq alymy tólendi», - dep qorytyndylady basqarma basshysy B.Jaýbasov.