Almaty qalasy ákimdiginiń jáne Qazaqstan Respýblıkasynyń Serbıa Respýblıkasyndaǵy Elshiliginiń qoldaýymen Belgrad qalasy mýzeıleriniń quramyna kiretin Hanshaıym Lúbısa saraıynda Almaty qalasy tarıhy mýzeıiniń «Uly dalanyń mádenı murasy» atty kórmesi ashyldy, dep habarlaıdy aqshamnews.kz
Kórmege Almaty qalasy mýzeıleriniń birlestigi qorynan 220-dan astam eksponat qoıyldy. Ekspozısıa negizin qazaq halqynyń turmysy men dástúrleri, qoldanbaly óneri týraly baıandaıtyn etnografıalyq artefaktiler quraıdy.
Kórmeniń ashylýyna Serbıa Prezıdenti Aleksandr Výchıchtiń jubaıy Tamara Výchıch hanym, Serbıa Prezıdentiniń mádenı máseleler jónindegi keńesshisi Deıan Savıch myrza, Serbıanyń saıası tulǵalary, dıplomatıalyq korpýs, akademıalyq jáne ǵylymı toptardyń ókilderi, qoǵamdyq uıymdardyń basshylary, mádenıet qaıratkerleri jáne BAQ qatysty.
Qazaqstan Respýblıkasynyń Serbıadaǵy elshisi Mádı Atamqulov óz sózinde Uly dala halqynyń tarıhy men mádenıetin, kóshpeli órkenıet dástúrlerin, turmysyn, qazaq kóshpendileriniń fılosofıasy men dúnıetanymyn tanystyrý bolyp tabylatynyn atap ótti. Uly dala halqynyń tarıhy men mádenıetin beıneleıtin Balqan túbeginde alǵash ret uıymdastyrylǵan kórme ekenin atap ótti.
Kórme 12 qańtarǵa deıin jalǵasady.
Buǵan deıin Almaty qalasy mýzeıler birlestigi Almaty ákimdiginiń qoldaýymen halyqaralyq mádenı yntymaqtastyqty damytý sheńberinde Italıa, Avstrıa, Túrkıa, Ońtústik Koreıa, Praga, Vengrıada kórme ótkizip, Fransıada Ulttyq eskertkishter ortalyǵy jáne Sıngapýrdyń Ǵylymı ortalyǵynda Birlestik qyzmetkerleri biliktilikterin arttyrdy.