22 jáne 23 qarasha kúnderi Almaty qalasynda belgili vokaldy-aspaptyq «Iashlyk» ansambliniń 50 jyldyǵyna arnalǵan mereıtoılyq konsert ótti.
Konsert QR Mádenıet jáne aqparat mınıstrliginiń qoldaýymen uıymdastyryldy, dep habarlaıdy aqshamnews.kz
«Iashlyk» ansambli 1974 jyly qurylǵan. Ulttyq mýzykany halyq aspaptarymen úılestirip, jańa óńdeýmen usyna bilgen top birneshe márte halyqaralyq baıqaýlardyń jeńimpazy atandy.
İs-sharaǵa «Dos-Muqasan» ansambli, Qazaqstannyń halyq ártisi Roza Rymbaeva, Qazaqstannyń eńbek sińirgen qaıratkerleri Dılnaz Ahmadıeva men Álisher Kárimov, ánshi jáne kompozıtor Parvız Nazarov, sondaı-aq «Iashlyk» ansambliniń qazirgi quramy men qazaqstandyq jáne uıǵyr estradasynyń juldyzdary qatysty.
Konsertte ansámbldiń 70–80 jyldardaǵy hıtteri men tanymal ánderdiń zamanaýı óńdelgen nusqalary oryndaldy.
Óner ujymyna Memleket basshysy Qasym-Jomart Toqaevtyń atynan yqylas gúli tabys etildi.
QR Mádenıet jáne aqparat mınıstri Aıda Balaeva «Iashlyk» ansambliniń ujymyn mereıtoıymen quttyqtap, ansámbldiń Qazaqstannyń mýzyka mádenıetindegi orny erekshe ekenin aıtty.