75 jylǵa sozylǵan tájirıbe nátıjesinde adam ǵumyrynyń uzaqtyǵy men adam minez-qulqynyń arasynda baılanys bary anyqtaldy.
Bul jaıynda islam.kz portaly "Psychological Science" merzimdi basylymyna silteme jasaı otyryp málim etedi, dep habarlaıdy aqshamnews.kz.
Adamzattyń basty maqsattarynyń birine ǵumyr jasyn uzartý jatady. Taıaýda qorytyndysy shyǵarylǵan zertteýde adam mineziniń ǵumyrdy uzartýda mańyzdy ról oınaıtyny belgili boldy.
Ǵalymdar uzaq ǵumyr súrýge yqpal etetin negizgi minez túrlerin atady: erler arasynda ashyq-jarqyn ári jańalyqqa qumar jandardyń uzaq ómir súretini anyqtalǵan, al áıelder arasynda emosıasy turaqty ári aınalasyndaǵylarǵa jaıly jandardyń uzaq jasaý yqtımaldylyǵy joǵary bolyp shyqty.
Aıryqsha zertteýge jetekshilik etken Joshýa Jekson esimdi ǵalymnyń aıtýynsha, mundaı minezder adamnyń densaýlyǵyna oń áserin tızedi.
Sondaı-aq, ol ashyq-jarqyn er-azamattar arasynda densaýlyqqa jat ádetterden (shylym shegý, ishimdik tutyný, t.b.) aýlaq júretinder qarasynyń kóp bolatynyn alǵa tartty. Bul jańalyq óz kezeginde tulǵaǵa qatysty aqparattyń personaldy medısınanyń damýyna yqpal etetinin kórsetip berdi. Minez tek adamnyń tulǵalyq qasıetterin qalyptastyryp qoımaı, sonymen qatar, onyń densaýlyǵyna da yqpal etetin mańyzdy faktor retinde alǵa shyǵady.