Elimizge tanymal ǵalym, tarıh ǵylymdarynyń doktory Ábdesh Tóleýbaev ómirden ozdy, dep habarlaıdy Almaty-akshamy.kz.
Bul týraly óziniń Instagram paraqshasynda Danıal Ahmetov jazdy.
«Búgin meniń dosym, elimizdiń belgili ǵalymy, tarıh ǵylymdarynyń doktory, profesor Ábdesh Tóleýbaev ómirden ozdy. Ábdesh Táshkenuly tájirıbeli dala zertteýshisi jáne ekspedısıalyq jumystardyń tamasha uıymdastyrýshysy bola bildi. Arheologıalyq eskertkishterdi anyqtaý jáne zertteý boıynsha belsendi qyzmet atqardy. Ǵylymı kitaptar men maqalalar jazyp, artynan zor mura qaltyrdy. Sońǵy 20 jylda ol Shyǵys Qazaqstannyń Tarbaǵataı, Saýyr jáne Shyńǵystaı taý bókterindegi arheologıalyq eskertkishterdi sátti zerttedi. Ábdesh Tóleýbaev álemdik deńgeıdegi jańalyqtarǵa ıelik etedi. Ol altynnan myńdaǵan erekshe artefaktilerdi – erte saq dáýirindegi ejelgi zergerlerdiń qoldanbaly ónerin jınady. Men Ábdesh Táshkenuly Tóleýbaevtyń týystary men jaqyndaryna kóńil aıtamyn. Onyń ardaqty esimi máńgilik jadymyzda saqtalady», - dep jazdy, Danıal Ahmetov.