34-shi «Belagro-2024» mamandandyrylǵan kórmesinde Qazaqstannyń ulttyq ekspozısıasy ashyldy.
Halyqaralyq kórmege Aýyl sharýashylyǵy vıse-mınıstri Erbol Tasjúrekov tóraǵalyq etetin delegasıa qatysýda, dep habarlaıdy Almaty-akshamy.kz.
Jeti kún ishinde 70-ten astam otandyq kompanıa óz ónimderin usynyp qana qoımaı, ósimdik sharýashylyǵy, mal sharýashylyǵy jáne qus sharýashylyǵyn damytýdaǵy ozyq baǵyttarmen, ónimdi qaıta óńdeý, oraý jáne saqtaýdyń zamanaýı tehnologıalarymen, belorýstyq sharýalardyń aýyl sharýashylyǵy tehnıkasymen tanysa alady.
Qatysýshylar qatarynda AÓK qaıta óńdeý jáne tereń óńdeý ónimderin, sút jáne kondıterlik ónimderdi, bal, et jáne shujyq ónimderin, qurǵaq túıe jáne bıe súti, táttiler men delıkatester sıaqty ulttyq ónimderdi óndirýshiler, «Kórkem Álem», «SPK Aıbek», «Shın-Laın» JSHS, «Kýbleı», «Borte Mılka», «Vanıl», «Aımar qus», «Qasaq Meat», «Sın-Kaz», «Barys-2007» jáne t.b. bar.
Sondaı-aq, otandyq agrarlyq ǵylymı-zertteý ınstıtýttarynyń ǵylymı jetistikteri, onyń ishinde egistik alqaptaryn óńdeý úshin qoldanylatyn drondar, seleksıalyq jetistikterge patentter, probırkadaǵy In vıtro ósimdikteri, 4 sortty «Kýlásh», «Aport», «Rahat», «Almalyq 85» almalary, fıtosanıtarıalyq a/sh daqyldarynyń tuqymdaryn saraptaý jáne t.b. usynady.
Otandyq óndirýshiler BNK Group, AVAGRO, «AgromashHoldıngKZ» AQ aýyl sharýashylyǵy tehnıkasyn, kombaındardy, traktorlardy, jańbyrlatý jabdyqtaryn, aralastyrý keshenin, suıyq tyńaıtqyshtardy engizýge arnalǵan tirkemeli mashınany, Sadko Next bazasynda ózdiginen júretin búrikkishti jáne t.b. tehnıkalardy tanystyrýda.
Aıta keteıik, aǵymdaǵy jyly «Belagro» agroónerkásiptik forýmyna Belarýs, Reseı, Qazaqstan jáne basqa da elderden 490 kompanıa qatysady.
Olardyń ishinde 150-den astam qaıta óńdeýshi men tamaq ónimderin óndirýshiler bar.