Deni saý, egilgen eresekter balalar aýyrmaýy úshin ujymdyq ımýnıtetti qamtamasyz ete alady.
Almaty qalasynyń bas sanıtarlyq dárigeri Jandarbek Bekshın Óńirlik komýnıkasıalar qyzmetiniń brıfıńinde balalar arasynda COVID-19 aýrýy týraly aıtty, dep habarlaıdy Almaty-akshamy.kz
«Tamyzda 39 200 KVI aýrýy tirkeldi, bul jyl basynan beri 121 200 jaǵdaıdyń 32% quraıdy. 23 tamyzdan bastap aýrýdyń kúndelikti ósýi 1,1% deńgeıinde qalyp otyr, bul qoǵamda ınfeksıanyń áli de joǵary taralýyn kórsetedi. Sımptomdy naýqastardyń úles salmaǵynyń ósýi 95 paıyz deńgeıinde qalýda»,- dep habarlady Almaty qalasynyń bas sanıtarlyq dárigeri.
«27 tamyzdaǵy jaǵdaı boıynsha, vaksınalaýdyń tolyq kýrsynan keıin Almaty turǵyndarynyń ımýndyq qabaty halyqtyń resmı sanynan 42% qurady», - dedi J. Bekshın.
Vaksınalaý óte qajet, óıtkeni kóbinese 20 jastan 39 jasqa deıingi turǵyndar koronavırýs juqtyrady - 33,5%, 40-59 jas aralyǵynda - 25,2% jáne 60 jastan asqan - 23,1%. Balalar men jasóspirimder 18% jaǵdaıda. Bıyl 9 myńǵa jýyq stýdent koronavırýs juqtyrdy.
J.Bekshın jańa oqý jylynyń oflaın formatta bastalýymen mektep oqýshylary arasynda syrqattanýdyń ulǵaıýy kútiletinin aıtty.
Sanıtarlyq-epıdemıologıalyq vedomstvo basshysy epıdemıologıalyq zertteýlerdiń nátıjeleri boıynsha naýqastardy juqtyrýdyń negizgi oryndary saýda obektileri - 32%, otbasylarmen baılanys - 16%, qoǵamdyq kólikter - 17,1%, bazarlar - 13% ekenin atap ótti.
«Halyq arasynda ınfeksıanyń kóbeıý sebepteri kelesi faktorlar bolyp tabylady: halyqtyń jeke qaýipsizdigi sharalarynyń tómendeýi; qoǵamdyq oryndarda jáne kólikte maska rejımin saqtamaý. Qala turǵyndary tyıym salynǵanyna qaramastan, qoǵamdyq tamaqtandyrý, qala mańyndaǵy aýdandar men jalǵa alynǵan kotejderde otbasylyq is-sharalardy, toılardy, mereıtoılardy ótkizýdi jalǵastyrýda. Kóbinese kafeler, meıramhanalar, túngi klýbtar sıaqty qoǵamdyq oryndarǵa belsendi baratyn jáne vaksına alǵysy kelmeıtin, maska rejımin saqtaıtyn jastar jıi juqtyrady. Infeksıa ındeksiniń ósýi eresekterdiń kinási, olar otbasylarǵa ınfeksıa ákeledi», - dedi J. Bekshın.
Oqý jyly bastalar qarsańda Almaty qalasynyń bas sanıtarlyq dárigeri almatylyqtardy tezirek ekpe alýǵa, qoǵamdyq oryndar men kólikterde betperde rejımin saqtaýǵa shaqyrdy. Ol qala turǵyndaryn adamdar kóp jınalatyn obektilerge barmaýǵa shaqyrdy.