Bul týraly Ǵylym jáne tehnologıalar jónindegi ulttyq keńestiń otyrysynda prezıdent Qasym-Jomart Toqaev málimdedi.
Toqaev Ál-Farabı atyndaǵy Qazaq ulttyq ýnıversıteti jáne L.Gýmılev atyndaǵy Eýrazıa ulttyq ýnıversıteti úshin jańa ǵımarattar salýdy tapsyrdy, dep habarlaıdy Almaty-akshamy.kz
"Memlekettik joǵary oqý oryndarynyń ǵımarattary eskirgen. Kóbi jarty ǵasyrdan astam ýaqyt buryn salynǵan. Bulardyń ishindegi eń jańa degeni – 1982 jyly boı kótergen Aqtóbe memlekettik ýnıversıteti",- dedi memleket basshysy.
Sondaı-aq, prezıdent materıaldyq-tehnıkalyq bazany jáne basqa da joǵary oqý oryndaryn jańǵyrtý qajet ekenin aıtty.
"Ýnıversıtetterdiń jáne zertteý ortalyqtarynyń eskirgen zerthanalaryn birtindep qalypqa keltirý qajet", dedi Qasym-Jomart Toqaev.