Kezdesýde jańa jobalarǵa da kóp kóńil bólindi
Osy jyldyń 28 aqpanynda Beıjiń qalasynda «Qazaqstan temir joly» UK» AQ jáne «Qytaı temir joldary» MK kezdesýi ótti, dep habarlaıdy Almaty-akshamy.kz.
«Qytaı temir joldary» MK-nyń basshysy Lú Chjenfan atap ótkendeı, «Qazaqstan temir joly» delegasıasy — bul pandemıadan keıin Qytaı tarapy qabyldaǵan alǵashqy ákimshilik.
Kezdesýde eki el arasyndaǵy júk tasymaldaý kólemi oń qarqyn kórsetip otyrǵany atap ótildi. 2022 jyly júk tasymaly 23 mln tonnany qurap, tarıhı maksımýmnan asty. Bul 2021 jylmen salystyrǵanda 15% -ke kóp.
Taraptar Qazaqstan arqyly ótetin halyqaralyq kólik dálizderin damytý máseleleri boıynsha yntymaqtastyqtyń aǵymdaǵy jaı-kúıi men perspektıvalaryn talqylady. QHR-dan ımport máselelerine erekshe nazar aýdaryldy.
«Kezdesýde jańa jobalarǵa da kóp kóńil bólindi. Dostyq – Moıynty ýchaskesin jańǵyrtý jáne Baqty – Tachen ýchaskesinde úshinshi temirjol shekara ótkelin salý máseleleri qaraldy», - delingen «Qazaqstan temir joly» UK» AQ baspasóz qyzmeti taratqan aqparatta.