Almaty qalasynyń ákimi bekitken kestege sáıkes, 2023 jyldyń aqpan aıynda aýdan ákimderi kóp balaly analarmen 8 kezdesý ótkizdi, dep habarlaıdy Almaty-akshamy.kz.
Kezdesýge kóp balaly 90 ana keldi, ákimder 101 suraqqa jaýap berdi. Onyń 67-si boıynsha túsiniktemeler berildi, kezdesýlerden keıin 14 másele pysyqtaldy, taǵy 20-sy boıynsha jumys júrgizilýde.
Negizgi máseleler:
- turǵyn úı alý tártibi (kezekke qoıý) - 27 (27%);
- bilim berý (balalardy mektepter men balabaqshalarǵa ornalastyrý, mektep formasy, Artsport baǵdarlamasy) - 14 (14%);
- densaýlyq saqtaý - 8 (8%);
- áleýmettik járdemaqylar (AÁK, azyq-túlik jıyntyqtary) - 9 (9%);
TKSH jáne abattandyrý (gaz qosý, sýmen jabdyqtaý jáne sý burý) - 9 (9%);
- jumysqa ornalastyrý jáne bızneske arnalǵan granttar - 4 (4%);
- kólik - 2 (2%);
- alıment - 1 (1%);
- basqalary – 27 (27%).
Qala ákimi aýdan ákimderiniń kóp balaly analarmen 2023 jylǵy naýryzǵa arnalǵan kezdesýleriniń tıisti kestesin bekitti.
Eske salsaq, buǵan deıin aýdan turǵyndarymen kezdesýler barysynda kóptegen ótinishterge baılanysty Almaty qalasynyń ákimi Erbolat Dosaev aýdan ákimderiniń kóp balaly analarmen aı saıynǵy kezdesýlerin uıymdastyrýdy tapsyrǵan bolatyn.
Aýdan ákimderiniń 2023 jyldyń naýryz aıynda qalanyń kóp balaly analarymen kezdesýleriniń Kestesi:
Alataý aýdany
15.03.2023 j. saǵat 10.00-de Alataý aýdany ákiminiń apparaty (Janqoja batyr kóshesi, 26);
Almaly aýdany
17.03.2023 j. 10.00-de «Baqytty otbasy» ortalyǵy (Naýryzbaı batyr, 106 A);
Áýezov aýdany
10.03.2023 j. 9.00-de Áýezov aýdany ákiminiń apparaty (Altynsarın dańǵyly, 23);
Bostandyq aýdany
14.03.2023 j. 10.00 №69 mekteptiń akt zaly (Ǵabdýllın kóshesi, 67);
Jetisý aýdany
16.03.2023 j. 15.00-de «Baqytty otbasy» ortalyǵy (Jansúgirov kóshesi, 65);
Medeý aýdany
28.03.2023 j. 11.00-de №172 mektep-gımnazıa (Dýman sh/a, Qarashash kóshesi, 15);
Naýryzbaı aýdany
27.03.2023 j. 10.00-de Naýryzba aýdany ákiminiń apparaty (Shuǵyla sh/a, 347);
Túrksib aýdany
24.03.202 3j. 15.00-de «Baqytty otbasy» ortalyǵy (R.Zorge kóshesi, 9).