55 kóshkin qaýpi bar ýchaske anyqtalǵan
Naýryz aıynyń basynda Almaty oblysynyń taýlarynda kóshkin júrý qaýpi saqtalady. Bul týraly Almaty oblysy TJD-da málim etti, dep habarlaıdy Almaty-akshamy.kz.
«Almaty oblysynyń taýlarynda 1-6 naýryz aralyǵynda kóshkin júrý qaýpi saqtalady. TJD azamattardan, týrıserden jáne demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik sharalaryn saqtaýdy suraıdy»,- delinedi habarlamada.
Sondaı-aq vedomstvonyń málimetinshe, Almaty oblysynyń aýmaǵynda İle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar.
«Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady», - delingen habarlamada.