Qazaqstannyń Qytaıdaǵy elshiligi kórme uıymdastyrdy
Onda memleketimizdiń qalyptasý men nyǵaıýy jáne ekonomıkamyzdyń qaryshtap damý kezeńi sýrettelgen, dep habarlaıdy Almaty-akshamy.kz «Habar 24»-ke silteme jasap.
Igi sharaǵa memlekettik organ qyzmetkerleri men BAQ ókilderi, ádebıet qaıratkerler jáne sheteldik qonaqtar qatysty. Kelýshiler egemen eldiń tamyry tereńnen jaıǵan tarıhymen tanysyp qana qoımaı, dombyra men qobyz únin tyńdap, qulaq quryshyn qandyrdy. Fotokórmege Qazaqstannyń Qytaıdaǵy elshiligi muryndyq boldy.
«30 jyl Táýelsizdiginde Qazaqstan zor jetistikterge jetti. Búgingi kórmede elderińizdiń qalyptasýy men damýynyń jarqyn kórinisin kórdik. Keler jyly Qazaqstan men Qytaı arasyndaǵy dıplomatıalyq qatynastardyń 30 jyldyǵyn atap ótemiz. Mundaı sharalar eki el yntymaqtastyǵyn odan ári nyǵaıta túsedi degen senimdemiz», - deıdi Qytaıdyń halyqaralyq almasý jastar ortalyǵy tóraǵasynyń orynbasary Chjan Hýa.