Biraq qysqy Olımpıadaǵa bılet satylmaıdy. Bul týraly Oıyndardyń uıymdastyrý komıteti óz saıtynda habarlady. Al qatystyrylatyn kórermender koronavırýspen kúres sharalarynyń talaptaryna jaýap beretin adamdardyń arasynan tańdalyp alynady, dep habarlaıdy Almaty-akshamy.kz
Jańa erejeler qıyn epıdjaǵdaıǵa baılanysty, sondaı-aq sportshylar men iriktelgen kórermenderdiń qaýipsizdigin saqtaý úshin engizilgen. Qytaı sport saıysyna sheteldik azamattardyń kele almaıtynyn byltyr qyrkúıek aıynda aıtqan bolatyn.
Esterińizge sala keteıik, qysqy Olımpıada 4-20 aqpan aralyǵynda, al Paraolımpıada 4-13 naýryz aralyǵynda ótedi.
– Kovıd jańa ekpinmen órship barady. Ásirese, "omıkronnyń" bet alysy jaman. Qytaı úkimeti men halqy Komýnıstik partıanyń basshylyǵymen koronavırýsty eńserý úshin jan-jaqty, utymdy jáne qarqyndy saıasat júrgizip jatyr. Sondyqtan Olımpıadanyń qarsańynda epıdemıaǵa qarsy qabyldanyp jatqan is-sharalardyń tıimdiligine shúbá keltirmeseńizder bolady - deıdi QHR SİM resmı ókili Chjao Lıszán.