Preparat Reseı Federasıasynan jetkizildi.
Búgin «Qaraǵandy farmasevtıkalyq kesheni» JSHS azamattardy revaksınasıalaý úshin Covid-19 vırýsyna qarsy bir komponentti «Spýtnık Laıt» preparatynyń 150 000 dozasyn "SQ-Farmasıa" habtaryna jiberdi, dep habarlaıdy Almaty-akshamy.kz Qaraǵandy farmasevtıkalyq keshenine silteme jasap.
Bul partıa-koronavırýs ınfeksıasynyń taralýyn boldyrmaý maqsatynda QFK aksıonerleriniń sheshimimen bólingen gýmanıtarlyq kómek.
Gýmanıtarlyq kómek Qaraǵandy farmasevtıkalyq kesheninen «SQ-Farmasıa» qoımasyna jóneltildi.
QFK-niń temperatýralyq rejımi -35S bolatyn tońazytqysh kamerasynan salqyndatý tizbegin qatań saqtaýǵa arnalǵan jabdyq ornatylǵan mamandandyrylǵan refrıjeratorlarǵa tıelgen vaksına biryńǵaı dıstrıbútordyń logıstıkalyq habtaryna jóneltildi.
Preparat búgin qoımalarǵa jetkiziledi jáne odan ári el óńirleri boıynsha bólinedi. QFK negizgi qyzmeti áleýmettik máni bar aýrýlar - gemofılıa, onkologıa, vırýstyq gepatıtter, qant dıabeti, sondaı-aq orfandyq aýrýlardy emdeýge arnalǵan bıotehnologıalyq dárilik preparattardyń bıotehnologıalyq jelisin óndirýmen baılanysty. Kásiporyn 2005 jyldan bastap jumys isteıdi.