Shyǵý kezinde tólem avtomatty túrde esepten shyǵarylady
Beıjiń metrosynda jolaýshylarǵa jol júrý kartasyn basýdyń nemese QR-kodty skanerleýdiń qajeti joq, dep habarlaıdy Almaty-akshamy.kz.
Endi olar tólemdi alaqandy skanerleý arqyly jasaı alady. Bul týraly QazAqparat Sınhýa agenttigine silteme jasap jazdy.
Beıjiń qalalyq kólik basqarmasynan málim etkendeı, Dasın halyqaralyq áýejaıyna deıin baratyn ekspress poıyzda jańa tehnologıany qoldaný boıynsha pılottyq baǵdarlama iske qosyldy.
Jolaýshy vokzaldaǵy bılet avtomaty arqyly alaqany týraly bıometrıalyq aqparatty engizgennen keıin jáne tanymal qytaılyq WeChat messendjerinde avtorızasıadan ótken soń jol aıaldamalarynda týrnıketterden ótý úshin alaqanyn kórsetse jetkilikti. Shyǵý kezinde tólem avtomatty túrde esepten shyǵarylady.
Týrnıket alaqan men tamyr sýretin tanyp alady. Jańa tehnologıa jolaýshylarǵa qolma-qol aqshasy joq jáne smartfondarynyń qýaty taýsylǵan kezde de metrony paıdalanýǵa múmkindik beredi.
Komıtet qoldanýshy málimetterin qorǵaý úshin shıfrlaý tehnologıalary qoldanylatynyn aıtty.