Jýyrda Aq Olımpıada oıyndaryna arnalǵan barlyq irikteý jáne reıtıńtik dodalar aıaqtalyp, basym bóligi úlestirildi
Ulttyq Olımpıadalyq komıtettiń dereginshe, qazaqstandyq atletter sporttyń 8 túrinen 82 joldamaǵa qol jetkizdi, dep habarlaıdy Almaty-akshamy.kz
Shańǵy jarysy boıynsha 30 joldama qorjynda. Frıstaılshylar toǵyz joldamaǵa ıe bolǵan. Sonyń ishinde mogýl boıynsha – 5, akrobatıka boıynsha 4 joldama bar. Kónkıshiler men bıatlonshylar – 12, short-trekshiler toǵyz joldamany qorjynǵa saldy.
Taý shańǵysy men shańǵymen tuǵyrdan sekirý sportynan el quramalary tórt joldamadan enshilese, shańǵy qossaıysynan otandyq sportshylar eki lısenzıaǵa ıelik etti.
Búgingi tańda olımpıadalyq qurama sapyna 32 sportshy endi. Aıta keterligi, bul sportshylardyń sońǵy ári naqty sany emes. Sebebi UOK keıbir sport túrlerinen halyqaralyq federasıalardyń lısenzıalardy qaıta bólý, úlestirý nátıjelerin kútýde. Atap aıtqanda, bıatlon, shańǵy jarysy, mogýl jáne akrobatıkadan taǵy da joldamalar úılestirilýi múmkin. Olımpıada oıyndaryna qatysatyn sportshylardyń sońǵy ári naqty tizimi 20 qańtardan keıin belgili bolady.
18 qańtar kúni Mádenıet jáne sport mınıstri Dáýren Abaev XXIV qysqy Olımpıada oıyndarynyń daıyndyǵy jaıynda jıyn ótkizdi. Mınıstr aldaǵy qysqy Olımpıada oıyndarynda ulttyq quramanyń aldynda turǵan birqatar mindetterge toqtaldy.
«El úshin qazirgi qıyn jaǵdaıda, sonyń ishinde koronavırýstyq ınfeksıanyń kóbeıýi kezinde biz sportshylarymyzǵa aldaǵy Olımpıadada dopıngsiz, janjalsyz, laıyqty óner kórsetý mindetin qoıdyq. Árıne, árbir sportshy jetistiktiń shyńy sanalǵan Olımpıada medaline umtylady. Al biz olımpıadashylarymyzdyń kez kelgen jetistigine qýanamyz. Bul úshin memleket qoldan kelgenniń barlyǵyn jasap, sportshylardy daıyndaý, sapaly jattyǵý, oqý-jattyǵý jıyndary jáne irikteý jarystaryna qatysý qarjylandyryldy», - dedi Mádenıet jáne sport mınıstri.
«Búgingi kúnniń basty mindeti – sportshylar men jattyqtyrýshylar densaýlyǵy men qaýipsizdigin saqtaý. Olardyń kópshiligi, ıaǵnı irikteý týrnırlerin aıaqtaǵandar sońǵy apta boıy jabyq karantındik aımaqtarda ornalasty. Onda daıyndyqtyń sońǵy kezeńi júrip jatyr. Álemdik dodalar aıaqtalǵan soń Beıjińge ushpas buryn sportshylar karantınde ýaqyt ótkizedi. Barlyq sportshylar keshendi-ǵylymı top mamandarynyń úzdiksiz baqylaýynda. Mádenıet jáne sport mınıstrligi men UOK sporttyq jarys kúntizbe boıynsha dodalarǵa qatysý, daıyndyq jumystary, sheteldik oqý-jattyǵý jıyndary men jarystar, onyń ishinde elimizdegi halyqaralyq jarystarǵa qatysý úshin komandalarǵa barlyq jaǵdaıdy jasady. Endi sportshylar eń jaýapty kezeńge aıaq basyp otyr. Qazaqstan halqy bizdiń komandany qoldaıtynyna senimdimiz», - deıdi UOK Bas hatshysy Andreı Krúkov.
Aıta keterligi, Olımpıada oıyndarynyń barlyq qatysýshylarynyń qozǵalysy qatysýshylardyń densaýlyǵyna qaýip tóndirmeý jáne aldyn alý maqsatynda arnaıy basshylyqpen qatań túrde bekitilgen talaptar men qaǵıdattar jıyntyǵynan turatyn nusqaýlyq Pleıbýkpen retteledi. Tek Olımpıada oıyndary kezinde emes, bul nusqaýlyq Qytaımen shekaradan óter aldynda da qatań túrde retteledi.
Oıyn kezinde Olımpıada aýylynyń turǵyndarynan kún saıyn PTR test alynyp, densaýlyǵy tekserilip, jazdaǵy Tokıo Olımpıadasynyń úlgisi boıynsha qatysýshylardyń ornalasqan jeri arnaıy telefon qosymshasy arqyly baqylanady.
Qazaqstan quramasy 27 qańtar kúni charterlik «Air Astana» reısimen Nur-Sultannan Almaty arqyly Beıjińge attanady. Aıta keterligi, Qazaqstan quramasynyń olımpıadalyq formasynyń tanystyrylymy 20 qańtarǵa josparlanǵan.
Qysqy Olımpıada oıyndary 4 aqpan kúni bastalady jáne tórtjyldyqtyń basty básekesinde 109 medal jıyntyǵy sarapqa salynady.