Otandastarymyz 87 joldama jeńip alǵan
Qazaqstandyq olımpıadashylar alǵashqy jarysyn 3-shi aqpan kúni bastaıdy, dep habarlaıdy Almaty-akshamy.kz Egemen.kz-ke silteme jasap.
Olımpıada oıyndarynyń resmı ashylý rásimi 4 aqpanǵa josparlanǵan. Alaıda, kerlıng, frıstaıl, shaıbaly hokeı syndy sport túrinen jarystar 2-3 aqpanda bastalyp ketedi.
Qazaqstandyq frıstaılshylar alǵashqy irikteý syndaryn 3 aqpanda bastaıdy. Frıstaıl-mogýldan Olımpıadaǵa Qazaqstannan Iýlıa Galysheva, Aıaýlym Ámrenova, Olesá Graýr, Anastasıa Gorodko, Dmıtrıı Reıherd jáne Pavel Kolmakov joldama jeńip alǵan bolatyn.
Beıjiń Olımpıadasyndaǵy frıstaıl-mogýldan jarys kestesi:
3 aqpan
Mogýl, áıelder. Birinshi irikteý Mogýl, erler. Birinshi irikteý
5 aqpan
Mogýl, erler. Ekinshi irikteý, birinshi, ekinshi, úshinshi fınal
6 aqpan
Mogýl, áıelder. Ekinshi irikteý, birinshi, ekinshi, úshinshi fınal.
Aıta keteıik, XXIV qysqy Olımpıada oıyndaryna Qazaqstan quramasynan barlyǵy 34 sportshy qatysady, olar 87 joldama jeńip aldy. Tórtjyldyq dodanyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady.
Oıyndardy «Qazaqstan», «Qazsport», «Habar» jáne «El arna» telearnalarynan tikeleı efırden kórýge bolady.