Tarıhta alǵash ret Olımpıada alaýyn mashınalar alyp júredi
Búgin Beıjińde ótetin XXIV Qysqy Olımpıada oıyndarynyń alaýynyń estafetasy bastaldy, dep habarlaıdy Almaty-akshamy.kz
QR Ulttyq Olımpıadalyq komıteti habarlaǵandaı, saltanatty rásim Beıjińniń soltústigindegi Olımpıadalyq saıabaqtan bastaý aldy. Alaý estafetasyn resmı túrde Qytaı Memlekettik keńesiniń birinshi vıse-premeri Han Chjen ashty.
Uıymdastyrý komıteti ǵalamdyq pandemıaǵa baılanysty estafetanyń baǵyty men uzaqtyǵyn birshama qysqartqan. Koronavırýs ınfeksıasynyń aldyn alý maqsatynda estafetaǵa kórermender qatysyp jatqan joq. Odan bólek, alaýdy adamdar turatyn kósheler men aýdandardan alys jerlerde alyp júrý kózdelgen.
Estafeta úsh olımpıadalyq klaster boıynsha 12 kezeńnen turady. Alaýdy alyp júrýge 14 pen 86 jas aralyǵyndaǵy jalpy esebi 1200 alaý ustaýshy qatysýda. Sondaı-aq, tarıhta alǵash ret alaýdy adamdar ǵana emes, mashınalar da alyp júredi.
Sondaı-aq búgin, ıaǵnı 2 aqpan kúni Beıjińde Aq Olımpıadanyń alǵashqy irikteý syndary da bastalyp ketti. Olımpıada oındarynyń resmı ashylý rásimi 4 aqpanǵa josparlanǵan. Alaıda, búgin kerlıng, shaıbaly hokeı frıstaıl, syndy sport túrinen alǵashqy irikteý jarystary bastalady. Al 3 aqpan kúni qazaqstandyq frıstaılshylar jarys alańyna shyǵady.
Esterińizge sala keteıik, XXIV qysqy Olımpıada oıyndaryna Qazaqstan quramasynan barlyǵy 34 sportshy qatysady, olar 87 joldama jeńip aldy. Tórt jyldyq dodanyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady.