2022 jylǵy Qysqy Olımpıadaǵa álemniń 90-nan astam elinen sportshylar keledi dep kútilýde. Olardyń qatarynda Gaıtı men Saýd Arabıasy tuńǵysh ret óz sportshylaryn attandyrady, dep habarlaıdy Almaty-akshamy.kz QazAqparatqa silteme jasap.
Buǵan deıin Ońtústik Koreıada ótken 2018 jylǵy Phónchhan Olımpıadasynda 95 elden sportshylar kelgen edi.
Aq Olımpıadaǵa barlyq qurlyqtan sportshylar keledi dep kútilýde. Atap aıtqanda, Azıadan - Shyǵys Tımor, Gonkong, Úndistan, Iran, Kyrǵyzstan, Lıvan, Malaızıa, Mońǵolıa, Pákistan, Ońtústik Koreıa, Saýd Arabıasy, Taıland, Taıvan, Ózbekstan, Fılıppın, Japonıadan sportshylar keledi.
Al Ońtústik jáne Soltústik Amerıkadan - Amerıkalyq Vırgın araldary, Argentına, Bolıvıa, Brazılıa, Gaıtı, Kanada, Kolýmbıa, Meksıka, Perý, Pýerto-Rıko, AQSH, Trınıdad jáne Tobago, Chılı, Ekvador, Iamaıka óz sportshylaryna senim artady. Sondaı-aq, Afrıkadan Gana, Madagaskar, Marokko, Nıgerıa, Erıtreıa keledi.
Aq Olımpıadada Eýropadan Avstrıa, Ázerbaıjan, Albanıa, Andorra, Armenıa, Belarýs, Belgıa, Bolgarıa, Bosnıa jáne Gersegovına, Ulybrıtanıa, Vengrıa, Germanıa, Grekıa, Grýzıa, Danıa, Izraıl, Irlandıa, Islandıa, Ispanıa, Italıa, Kıpr, Kosovo, Latvıa, Lıtva, Lıhtenshteın, Lúksembýrg, Monako, Moldavıa, Malta, Reseı, Polsha, Portýgalıa, Rýmynıa, San-Marıno, Soltústik Makedonıa, Serbıa, Slovakıa, Slovenıa, Túrkıa, Ýkraına, Fınlándıa, Fransıa, Horvatıa, Chernogorıa, Chehıa, Shvesıa, Shveısarıa, Estonıa kelse, muhıt aımaǵynan Avstralıa, Amerıkalyq Samoa, Jańa Zelandıa sportshylary saıysqa túsedi.
Aıta keteıik, atalǵan Aq Olımpıadada elimizdiń namysyn 34 sportshy qorǵaıdy. Olar qysqy sport oıyndarynyń ishinde sportttyń shańǵy jarysy, frıstaıl-mogýl, shańǵy akrobatıkasy, taý shańǵysy, shańǵymen sekirý, bıatlon jáne short-trek túrlerinen júldeli oryndarǵa talasady.