10,7 myń adam jumysqa ornalastyryldy.
Bul 2020-2021 jyldarǵa arnalǵan jumyspen qamtýdyń jol kartasy sharasy aıasynda istelgen jumystar, dep habarlaıdy Almaty-akshamy.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
2021 jyly 2020-2021 jyldarǵa arnalǵan jumyspen qamtýdyń jol kartasy (budan ári – JQJK) sheńberinde 12,3 myń jumys orny quryldy, olardyń basym bóligi iske asyrylyp jatqan ınfraqurylymdyq jobalar sheńberinde qamtamasyz etildi.
JQJK jobalary 4 negizgi baǵytqa bólingen:
– halyqtyń ómir súrý sapasyn arttyrý;
– SHOB úshin qarjylandyrýdyń qoljetimdiligin arttyrý;
– agroónerkásiptik keshendi damytý;
– óńirlerde bıznesti damytý.
Qazirgi ýaqytta JQJK birinshi baǵyty aıasynda qurylys jumystary 248 ınfraqurylymdyq jobada júrgizilýde, onyń ishinde 43 jobada (Jambyl oblysynda – 25, Shymkent qalasynda – 6, Pavlodar oblysynda – 4, Qostanaı oblysynda jáne Batys Qazaqstan oblysynda – 2 jáne Aqmola, Atyraý, Shyǵys Qazaqstan oblystarynda jáne Nur-Sultan qalasynda 1-den) qurylys jumystary aıaqtaldy jáne olarda 382 turaqty jumys orny quryldy (Nur-Sultan qalasynda – 125, Qostanaı oblysynda – 103, Jambyl oblysynda – 90, Atyraý, Shyǵys Qazaqstan – 30 jáne Shymkent qalasynda – 27).
Osylaısha, birinshi baǵyttyń iske asyrylyp jatqan jobalary aıasynda 10,7 myń adam jumysqa ornalastyryldy.
Budan basqa, ınfraqurylymdyq jobalar ekonomıkanyń túrli salalaryn, ásirese, qurylys salasyn damytýǵa serpin berdi. Otandyq bıznes ókilderinen taýarlar men qyzmetterge barlyǵy 52 mlrd teńgege jýyq tapsyrystar jasalǵan.
Aıta ketý kerek, jobalardy iske asyrý merzimi JQJK-nyń qoldanylý merziminen asyp túsedi jáne olardy odan ári iske asyrý jergilikti búdjet qarajaty esebinen júzege asyrylatyn bolady, al qurylys jumystary aıaqtalyp, obektiler paıdalanýǵa berilgennen keıin olarda turaqty jumys oryndary qurylatyn bolady.
JQJK ekinshi baǵyty aıasynda óz isin ashý nemese damytý úshin jalpy somasy 7 mlrd teńgege 1,3 myń shaǵyn nesıe berildi, bul 1,2 myń turaqty jumys ornyn qurýǵa múmkindik berdi.
Agroónerkásiptik keshendi damytý sheńberinde Aýyl sharýashylyǵy mınıstrligi «Báıterek» UBH» AQ-men birlesip, jalpy somasy 100 mlrd teńgege 41 ınvestısıalyq jobany iske asyrýda. Búgingi tańda 50 mlrd teńge somasyna 13 ınvestısıalyq joba qarjylandyryldy.
Osylaısha, JQJK-nyń barlyq jobalary aıaqtalǵannan keıin 4 baǵyt boıynsha 42,5 myń jumys ornyn qurý josparlanǵan, onyń 28,8 myńnan astamy (68%) turaqty bolady.
Esterińizge sala keteıik, 2020 jyly JQJK aıasynda 6,7 myń ınfraqurylymdyq jobany iske asyrý kezinde ortasha jalaqysy 130 myń teńge bolatyn 239 myń adam jumyspen qamtyldy.
Jumys izdep júrgen qazaqstandyqtar turǵylyqty jeri boıynsha halyqty jumyspen qamtý ortalyqtaryna (budan ári – HJQO) júginý jolymen JQJK sheńberinde ınfraqurylymdyq jobalardy iske asyrýǵa qatysa alady.
HJQO jumyspen qamtý organdarynda jumys izdep júrgen adamdar, jumyssyzdar, sondaı-aq jumystan bosatylǵan adamdar, jalaqysy saqtalmaıtyn demalystaǵy adamdar, stýdentter, onyń ishinde ýaqytsha tirkelgen adamdar qatarynan qajetti bilikti mamandardy irikteýdi júzege asyrady jáne ınfraqurylymdyq jobany iske asyratyn jumys berýshi-merdigerge jiberedi.
HJQO arqyly ınfraqurylymdyq jobalarǵa jumysqa ornalasý kezinde jumyssyz jastarǵa, NEET sanatyndaǵy jastarǵa, sondaı-aq densaýlyǵyna zıan keltirmeıtin jáne oqý prosesin buzbaıtyn jumystarda stýdentterge basymdyq beriledi.
HJQO qajet bolǵan jaǵdaıda ınfraqurylymdyq jobaǵa jumysqa ornalasý kepildigimen tıisti jumystardy oryndaý úshin jumys berýshi-merdigerdiń/qosalqy merdigerdiń ótinimderi boıynsha kadrlardy qaıta daıarlaýdy qamtamasyz etedi.
HJQO baǵyttary boıynsha jumysqa ornalasqandardyń jalaqy mólsheri salyqtardy, áleýmettik tólemderdi jáne ekologıalyq ústemeaqylar boıynsha tólemderdi esepke almaǵanda, paıdalanylmaǵan eńbek demalysy úshin ótemaqyny eskere otyryp, jalaqynyń eń tómengi eki mólsherinen kem emes deńgeıde belgilenedi.