Endigi merzim 2025 jyldyń 1 qańtary dep kórsetiledi.
Zań boıynsha merzim 2023 jyldyń 1 qańtarynda aıaqtalǵan, dep habarlaıdy Almaty-akshamy.kz
"Atameken" UKP mamandary Astana, Almaty jáne Shymkent qalalarynda bazarlardy modernızasıalaý merzimin uzartý týraly máseleni birneshe ret kóterip keldi.
Demek, myńdaǵan saýda oryndarynyń jabylyp qalý qaýpi týdy. On myńnan asa kásipker men otbasylary tabyssyz qalar edi.
Eske sala ketsek, modernızasıalaý kóshe dúńgirshekteri, konteınerlik pavılondardy saýda jáne oıyn saýyq ortalyqtary nemese saýda úıleri úlgisinde zamanaýı obektilerge aýystyrýdy kózdeıdi.
Jıynda Saýda jáne ıntegrasıa vıse-mınıstri osy máselege qatysty mınıstrliktiń pozısıasyn aıtty.
Spıker qazirgi kezde Parlament Májilisiniń qaraýynda bazarlardy jańartý merzimin 2025 jylǵa deıin uzartý boıynsha "Atameken" bastamashylyq etken túzetý talqylanyp jatqanyn aıtty. Mınıstrlik bul bastamany qoldaıdy jáne Ulttyq palatamen birlesip, ony Májiliste qorǵaýǵa daıyn.
"Biz Ulttyq palatamen birlesip, bul máseleni pysyqtadyq. Zań jobasynda modernızasıalaý merzimi 2025 jyldyń 1 qańtaryna deıin dep jazylady. Saýda oryndaryn jabamyz dep eshkim aıtyp jatqan joq", – dedi vıse-mınıstr.
Arman Shakqalıev jol kartasy boıynsha mindettemeler saqtalatynyn atap ótti.
Jol kartasy ár bazar boıynsha egjeı-tegjeıli is-sharalardan basqa, saýda salasynda jeke kásipkerlikke memlekettik qoldaý sharalaryn kórsetý maqsatynda "Jeke kásipkerlikti memlekettik qoldaýdyń keıbir sharalary týraly" QR Úkimetiniń 2019 jylǵy 31 jeltoqsandaǵy № 1060 qaýlysyna ózgerister engizý jónindegi tarmaqty da qarastyratynyn atap ótken jón.
Jol kartasynda kózdelgen is-sharalardy iske asyrý bazarlardy jańǵyrtý barysyna turaqty monıtorıń júrgizýge múmkindik beredi.