QR İİM M.Esbolatov atyndaǵy Almaty akademıasynda polısıa departamentteriniń ár aımaǵynan jınalǵan basshylyq quramdy daıarlaý fakúltetiniń tyńdaýshylaryna ishki ister mınıstri Marat Ahmetjanovtyń atynan sertıfıkattar men İshki ister mınıstrliginiń kýbogyn jeńip alǵan pikirsaıys týrnıriniń jeńimpazdaryna gramotalar tabystaldy, dep habarlaıdy Almaty-akshamy.kz.
«Egemendi elimizdiń jarqyn bolashaǵynyń kepili – Jańa Qazaqstan qurýda bilikti kadrlardyń atqaratyn róli orasan. Al ishki ister organdary úshin bilikti kadrlardy Almaty akademıasy daıarlaıdy. Sizder bolashaqta ishki ister organdaryndaǵy jańashyl bastamalar men reformalardy júzege asyrýda akademıa qabyrǵasynda alǵan bilimderińizdi jumsaıdy dep senemiz», – dedi akademıa basshysy A.Saıtbekov óziniń quttyqtaý sózinde.
Óz kezeginde sóz alǵan basshy quramdy daıarlaý fakúltetin bitirýshi İİM ákimshilik polısıa komıtetiniń basqarma bastyǵy Asylbek Idrısov ta akademıa basshylyǵyna jan-jaqty bilim alýǵa jaǵdaı týdyrǵany úshin alǵys bildirdi. Pikirtalas týrnıriniń qorytyndysy boıynsha İİM ákimshilik polısıa komıtetiniń basqarma bastyǵy E.Chýpekov, Soltústik Qazaqstan oblysy PD Esil aýdany polısıa bóliminiń bastyǵy .E.Eslámbekov, Qyzylorda oblysy PD anyqtaý basqarmasynyń bastyǵy N. Jamal-Ad-Dın júldeli oryndardy ıelendi.