Belgili ánshi Tamara Asar ógeı uly Álisherdiń qazasyna arnap júrekjardy óleń jarıalap, qalyń jurtty jylatty, - dep habarlaıdy Aqshamnews.kz tilshisi. Óleń joldaryn ónerpaz Instagram paraqshasynda jarıalady.
Post astyndaǵy pikirler bóliminde myńdaǵan adam qaıǵyǵa ortaqtasyp, kóńil aıtyp jatyr.
"Óndirdeı bolǵan órenim
Baýyryma basqan “BÓLEGİM”
Qulaǵyńa seniń jetti me,
Qapyda shyqqan óleńim…
Jurtshylyq keldiń jıylyp,
Jubatyp jattyń qıylyp.
Jumashtyń parlap kóz jasy
Júregime toldy-aý quıylyp.
Álisher kettiń shalǵaıǵa,
Sen qaıda búgin, men qaıda?
Torqadaı bolyp topyraǵyń,
Imanyń joldas bolǵaı da.
Duǵada kúnde otyrmyn
Talaı da áli oqyrmyn.
Qańqý sóz “ÓGEI” dese de
Qaıyryn surap otyrmyn", - degen óleń joldaryn jarıalady ol. Sonymen qatar qoldaý bildirgen jandarǵa alǵysyn aıtty.
"Qıyndyqta qasymyzda bolyp,alystan-jaqynnan kóńil aıtyp,qıyndyq bólisken árbir janǵa bas ıip,rahmetimizdi aıtamyz. Allanyń isine shara joq,artynyń qaıyryn suraımyz. Qudaıdan úmitimiz bar. Jaqsy kúnder kóp bolsyn. Jastar aman bolsyn",- dep jazdy Tamar Asar.
Eske salaıyq, ánshi Tamara Asardyń joldasy Jumash myrzanyń alǵashqy nekesinen týǵan uly Álisher (22 jasta) Aqtóbede dosynyń úılený toıyna barǵan kezde kólik qaǵyp, qaza tapqan bolatyn.