Medeý aýdanynda turaqty elektrmen jabdyqtaýdy qamtamasyz etý úshin «Drýjba Sport» baý-baqsha seriktestiginiń uzyndyǵy 5 shaqyrym elektr jelilerin rekonstrýksıalaý jáne 3 transformatorlyq podstansıany ornatý jumystary júrgizilýde, dedi qala ákimi Erbolat Dosaev aýdan turǵyndarymen kezdesýde.
Búgingi tańda 93 tirekti ornatý (100%) jumystary aıaqtaldy. 2 shaqyrym jerasty kabelin jáne 1,2 shaqyrym áýe jelisin ornatý jumystary jalǵasýda. Qurylys-montajdaý jumystaryn aıaqtaý merzimi - osy jyldyń qarasha aıy.
Sondaı-aq, Gornaıa, Shybynsaı kósheleriniń, Muztaý, Keńsaı (1,2,3,4) shaǵyn aýdandarynyń jáne baý-baqsha seriktestikteriniń turǵyndary úzdiksiz elektrmen qamtamasyz etý úshin uzyndyǵy 33,8 shaqyrym ıesiz elektr jelilerin rekonstrýksıalaý jáne 11 transformatorlyq podstansıany salý jumystary aıaqtaldy.
«Asqartaý» shaǵyn aýdanynda elektr jelilerin salý úshin jobalaý-smetalyq qujattama daıyndalýda. Jobalaý-smetalyq qujattamanyń aıaqtalý merzimi – osy jyldyń qazan aıy.